Dhuusamareeb(RBC Radio) Ahlu sunna waljamaaca ayaa kasoo horjeestay shirka dib u eegista garsoorka dalka Soomaaliya ee ka soconaya magaalada Muqdisho ee caasimada Soomaaliya gudoomiyaha golaha talada ahlu sunna waljamaaca Sh. Cumar C/qaadir ayaa si kulul u dhaliilay shirka ka socda Muqdisho ee looga wada arinsanayo garsoorka dalka.
Sh. Cumar C/qaadir ayaa shaaca ka qaaday in culima udiinka ahlu sunna waljamaaca aan lagu casuumin shirka lagu falanqeynayo dib u habaynta garsoorka dalka Soomaaliya wuxuuna sheegay iney shalay ka war heleen in magaalada Muqdisho uu ka furmay shir looga arinsanayo garsoorka isagoona tilmaamay in shirkaas uu yahay mid aan wadadii saxda ahayd ku taagan maadaama aan laga tala galin ahlu sunna waljamaaca.
Gudoomiyaha golaha wadada tashiga ahlu sunna waljamaaca Sh.Cumar ayaa sheegay in shirkaasi aysan kasoo bexeen wax sidaas u buuran oo isbedel ku keeni kara garsoorka hada ka jira dalka Soomaaliya wuxuuna u aaneeyey in shirkaas aan laga qayb galin culimada ahlu sunna oo uu sheegay iney saldhig u yihiin garsoorka umada Soomaaliyeed.
Use Facebook to Comment on this Post
