Muqdisho(RBC Radio) Ururka alshabaab ayaa guulo ka sheegtay dagaalo fara badan oo ay sheegeen iney ka dheceen deegaano kala duwan oo ka tirsan gobolka shabeelaha hoosegudoomiyaha alshabaab ugu magacaaban gobolka shabeelaha hoose SH.Max’ed Abu Cabdalla oo la hadlayey warbaahinta ku hadasha afkooda aya guulo ka sheegtay dagaalo uu sheegay in saacadihii lasoo dhaafay ay ku qaadeen fariisimo dhowr ah oo ay leeyihiin ciidamada dowlada iyo kuwa Amisom ee gobolkaas.
Abu Cabdalla ayaa sheegay in dagaalamayaasha kooxda alshabaab iney dagaal ku qaadeen deegaanka Carbiska ee duleedka degmada Afgooye halkaasoo uu sheegay iney ciidamada ay weerareen ku gaarsiiyeen khasaare aan lasoo koobi karin oo iskugu jira dhimasho iyo dhaawac.
Gudoomiyaha alshabaab ee gobolka shabeelaha hoose Abu Cabdalla ayaa tilmaamay in alshabaab ay dagaal kale ku qaadeen deegaano dhowr ah oo ay ka mid yihiin deegaanada Bariire,Jannaale,Shalanbood iyo duleedka degmada Marka ee xarunta gobolkaas.
Abu Cabdalla oo hadalkiisa sii wata ayaa sheegay iney dhabarka ka jabiyeen ciidamada dowlada iyo kuwa Amisom ee ay duulaaanka ku qaadeen isagoona tilmaamay in ciidamada dowlada ay dhabarka ka jabiyeen,wuxuuna tibaaxay in goobihii lagu dagaalamay ay in mudo ah alshabaab ay gacanta ku hayeen,wuxuuna sheegay iney dagaalka sii wadayaan ilaa ay dalka Soomaaliya ka saaraan ciidamada kusoo duulay sida hadalka u dhigay.
RBC Radio
Xafiiska Wararka Muqdisho
Use Facebook to Comment on this Post
