Maalta(RBC Radio) Ciidamada ilaalada Xeebaha Jasiirada Maalta ayaa sheegay iney badbaadiyeen inkabadn 80 ruux oo tahriibayaal Soomaali ah oo khatar ku galay gudaha badda kadib markii ay muddo dul sabeynayeen biyaha badda,dadka ay badbaadiyeen ciidamada Badda Maalto ayaa dhamaantood ahaa Soomaali.
Sarkaal ka tirsan ciidamada ilaalada badaha Jasiirada Maalta oo warbaahinta la hadlay ayaa sheegay iney badbaadiyeen 82 ruux oo Soomaali Tahriibayaal ah isagoona tilmaamay in dadkaasi ay halis gashay noloshooda kadib markii sida uu tilmaamay ay cillad ku timi matoorka Doontii ay wateen.
Taasoo keentay in dadkaasi ay khatar u galaan iney ku dhintaan gudaha badda,Tahriibayaasha ayaa la sheegay in markii ay cilladu ku timi matoorka Doonta ay wateen ayey bilaabeen iney qaylo dhaan bilaabaan si ay u dalbadaan in la badbaadiyo.
Dhanka kale shalay Jimcihii ayey ahayd markii dalka Talyaanigu uu sheegay iney gacanta kusoo dhigeen 3 doomood oo ay saarnaayeen in kabadan 260 ruux oo tahriibayaal Soomaali ah oo kasoo kici timay xeebaha wadanka Liibiya halkaas oo ay bil waliba kumanaan ruux oo tahriibayaal Soomaali ah ay ka baxaan iyagoo ku wajahan wadanka Talyaanaga oo ay uga sii gudbaan wadamada Yurub iyadoona ay xusid mudan tahay in boqolaal Tahriibayaal Soomaaliyeed ay naftooda ku waayeen badaha u dhexeeya Liibiy & Talyaaniga.
RBC Radio
Xafiiska Wararka Muqdisho
Use Facebook to Comment on this Post
