Garoowe (RBC RADIO) Hablihi 5ta ahaa ee la qabtay iyagoo loo sii wado Magaalada Bosaso ee Xarunta Gobolka Bari lagana soo waday Deegaano ka tirsan Gobolka Sh/ Dhexe ayaa la filayaa in waqtiga soo socda la amba bixiyo iyadoo loo qaban doono Barnaamij Sagootin ah oo lagu muujinayo qatarta laga badbaadiyay gabdhaha danyarta ah ee la doonayay in xoogooda laga faa’iidaysto waxaana wali xiran Dadkii gabdhahaasi waday.
Warar ay RaxanReeb.com si hoose u heshay ayaa sheegaya in Gabdhahaasi oo la doonayay in Sabtida ay ka amba baxaan Garoowe ay dib u dhigeen qaar ka mid ah hay’adaha u dooda xuquuqul aadanaha kuwaasi oo Puntland ka codsaday in Xaflad loo qabto Gabdhahan lana muujiyo qataraha ay u nuqul yihiin Haweenka Soomaliyeed iyo dhiiri gelinta Dadka ku sugan Gobolada kale kaasi oo la xiriira in loo badbaadinayo Ubadkooda hadii si aysan raali ku ahayn looga soo wado Ubadkooda .
2ba ka mid ah Caruurtaasi ayaa shalay waalidkood ay yimaadeen Garoowe iyadoo la kulmay caruurtooda waxayna masuuliyiinta gacanta ku haysa ee ka tirsan Wasaarada Haweenka inoo sheegeen in la Aamini karo ilmahanna lagu wareejin karo waalidka u yimid wallow aan taasi si dhab ah loo cadayn.
Wararkale ayaa sidoo kale sheegaya in Taliska Ciidanka Puntland iyo Xeer ilaalinta guudba ay codsadeen in aan Caruurta la fasixin ilaa amar Dambe kadib markii lasii xoojiyay Baarista lana helay Xog badan oo ku saabsan Kiiskan, lagana yaabo in ay Boosaaso xaadir ku yihiin Dad sii gudbiya Caruurta loo keeno taasi oo ilaa hada lagu daba joogo sida uu warku nagu soo gaarayo.
5tan gabdho ayaa in ku dhaw Bil waxaa gacanta ku haysa Wasaarada Haweenka iyo Hormarinta Arimaha Qoyska Puntland gaar ahaan Xafiiska Hormarinta Caruurta waxaana Waalidkii yimid ee dhalay caruurtaasi Qaar ka mud ah ay sheegeen in ay ku faraxasanyihiin Muuqaalka Ciyaalkooda iyo Sida wacan ee loola dhaqmay iyagoo u mahadceshay Dowlada Puntland iyo Shacbigeedaba.
RBC RADIO
Use Facebook to Comment on this Post
