Muqdisho[RBC Radio]Madaxweynaha Soomaaliya Xassan Sheekh Maxamuud ayaa xafiiskisa ku qaabilay wafti ay hor-kacayso kaaliyaha xog-hayaha arrimaha dibadda Mareykanka ee Afrika Linda Thomas-Greenfeild.
Xassan Sheekh madaxweynaha Soomaaliya ayaa ugu horren soo dhaweeyey imaatinka waftigaan ee magaalada caasumada ah ee Muqdisho,waxana sidoo kale uu uga mahad-celiyay Linda Thomas-Greenfiild booqashada ay ku timid Soomaaliya,waxana uu socdalkaan ku tilmaamay madaxweynuhu in booqashadeeda ay tahay mid taariikhi ah oo astaan xooggan u ah xaaladda ka soo wanaagsanaaneysa ee Soomaaliya.
Madaxweynaha iyo haweenayda lugu magacaabo Linda Thomas waxaa ay isla soo qaaden muddadii uu shirkooda socday sidii loo xoojin lahaa xiriirka u dhexeeya Mareykanka iyo Soomaaliya, iyadoo la xusuusto in dowladda Mareykanka ay ahayd dowladdii ugu horreysay ee si rasmi ah u aqoonsata dowladda Soomaaliya kaddib markii KMG-nimadii ay ka baxday Soomaaliya.
Sidoo kale madaxweyne Xassan ayaa uga mahad-celiyay dowladda Mareykanka taageerida joogtada ah ee uu u fidiyo dowladda iyo shacabka Soomaaliyeed si dhibka looga baxo.
Madaxweyne Xasan ayaa dowladda Mareykanka iyo beesha caalamka ka codsaday in ay labo jibbaaraan taageerada ay u fidinayaan dowladda Soomaaliya si loo tayeeyo awoodda ciidanka xoogga dalka Soomaaliyeed, oo uu sheegay in ay tahay tallaabada keliya ee lagu cirribi-tirikaro maleeshiyada Alshabaab.
Si kastaba hanaqote dowladda Marekanka ayaa iyadu muddooyinkii ugu danbeeyey ka dhex muuqatay siyaasada Soomaaliya,iyadoona wali dowladda faderaalka Soomaaliya ay codsanayso inay gacan ka hesho Marekanka.
________
RBC Radio
Xafiiska Muqdisho
Use Facebook to Comment on this Post
