Garoowe (RBC RADIO) Musharax C/risaaq Nuur Calula oo dhawaan isu soo taagay Xilka Madaxtinimo ee Puntland ayaa soo gaaray Magaalada Garoowe ee Caasimada Dowlada Puntland isagoo noqday Musharaxi ugu horeeyey ee garoonka Diyaaradaha kasoo daga si waynna loogu soo dhaweeyo halkaasi, waxaa Garoonka xili hore sii tagay Taageerayaashiisa iyo qaar ka mid ah Eheladiisa si ay usoo dhaweeyaan uguna muujiyaan in dalka laga taageersan yahay waxaana loo galbiyay Hoyga uu ka dagan yahay Magaalada ee loo sii diyaariyay.
Mr Caluula ayaa saxaafada iyo dadkii isu soobaxay la hadlay wuxuuna ka mahad celshay soo dhaweyntiisa, wuxuu talaabo geesinimo leh ku tilmaamay habkii loo soo dhaweeyey iyo dadkii isu soo baxay isagoo sheegay in taasi ay marqaati u tahay in dadka reer Puntland ay doonayaan Isbedel sida uu hadalka u dhigay Musharaxu, wuxuu Tibaaxay haduu xilkan ku guuleysto in uu marxalad cusub galin doono Wadanka uuna hawl galin doono Dhalinyarada Haweenka dulman ee aan fursada fiican la siin sida uu Musharaxu yiri.
” waxaan ahay Nin dhalin yaro ah oo fursad fiican wada waxaan ahay Dhaqaala yahan waxaan aqaanaa wax badan oo dalka uu u baahan yahay waxaad ku dadaashaan in aad i doorataan kadibna waxaad arki doontaan Is bedel Cusub Marxalad Cusub iyo Isfaham Cusub,waxaan isku soo dhawayn doonaa Puntland iyo DFS cid walba Heshiis ayaan la gaari doonaa Nabada ayaan ka shaqayn doonaa, waxaan sidoo kale kasoo horjeedaa Go’aankii uu kaligii qaatay Mudane faroole waxaana fikirka kala simanahay Musharaxiinta kale, Umada Puntland ugu dambayn waxaan u rajayn Midnimo cadaalad iyo Sinnaan, sidaana Waxaa yiri Musharax Caluula.
Musharaxan ayaa noqonaya kii Afaraad oo Safar kusoo gala Garoowe iyadoo ay Jidka soo hayaan Kuwa kale oo Tira beel ah kuwaasi oo iyagana u sharxan Xilka Madaxtinimo ee Puntland waxayna Goor dhaw la ciir ciiri doontaa Caasimada Puntland ee Garoowe Musharaxiin fara badan oo ay Wehliyaan taageerayaashooda.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
