Gaalkacyo[RBC Radio]Deegaano ka mida gobolada Mudug,Sool iyo Cayn waxaa ku horeeyay raxmadda eebe ee qaybta ka ah roobka guga.
Roobka guga oo toddobaadyadii ugu danbeeyay ka da’ay gobolada koonfureed qaar ka mida ah ayaa hada ka curtay gobolada waqooyi bari ee Soomaaliya, waxaana 24-kii saac ee u danbeeyay ka da’ay gobolada Mudug,Sool iyo Cayn inkastoo ay ku kala badan yihiin xadigooda biyo dhigeed.
Roobka ugu badan ayaa la soo sheegayaa inuu biyo dhigay deegaano hoos taga gobolka Cayn.
Roobabka guga ayaa hada la dareemayaa inuu si bilow ah ucurtay, roobka ayaa maalmo ka hor biyo dhigay deegaano ka mida koonfurta Soomaaliya.
Curashada roobka guga ayaa ku soo aaday xili deegaanada Soomaalida qaar laga dareemay biyo yaraan.
Iimaan Maxamed Jaamac
RBC Radio Xafiiska Wararka Gaalkacyo
Use Facebook to Comment on this Post
