Garoowe (RBC RADIO) Musharax Maxamed C/Nuur Xirsi oo u taagan xilka Madaxtinimo ee Puntland ayaa Raxan-reeb u sheegay in Madaxweynaha Puntland uu ogyahay in uu qaldamay kuna deg degay Gudigii uu soo magacaabay maadaama uusan kala tashan Musharaxiinta dhigiisa ah ee la tartamaya sidaa darteedna uu qaadacayo Gudigaasi kana soo horjeedo sida uu yiri Musharaxu.
“waxaa dhawaan nala hadlay Wafdi ka socday QM waxay inoo sheegeen in nalaga tashan doono Soo xulista Gudiga waana ku qanacnay taasi waana soo dhaweynay waxaa ka dambeeyey arintan la yaabka leh ee uu Madaxweyne faroole ku dhawaaqay aniga marka kuma taageersani mana doonayo gudigaasi waxaana leeyahay Faroole xaq uma leh in uu gudi soo magacaabo isagoon la tashan dadka tartanka kula jira hadii uu taasi ku adkeystana waxaan soo xulaynaa inagana gudi horleh waxaana kala tashan doonnaa Isimada wax garadka iyo Madaxweynaha qudhiisa maadaama uu Musharax yahay ayuu yiri Mudane Maamed C/nuur.
Musharaxu wuxuu sheegay in musharaxiinat ay ka shaqeynayaan nabadgelyada Puntland ayna doonayaan wax walba in si wada jir ah loo xaliyo hase ahaatee aan loo dulqaadan karin in Madaxweyne Faroole uu kaligiis go’aan qaato iskana idha tiro waxyaabaha xaqa loogu leeyahay,wuxuu ka digay sidoo kale arintan la xiriirta Gudigan lasoo magacaabay iyo cawaaqib xumada ka dhalankarta sida uu Musharaxu hadalka u dhigay.
Hadalkan wuxuu kusoo beegmayaa iyadoo 8xubin oo Gudoomiye iyo xog-hayn leh uu soo xulay madxweynaha Puntland Saxaafadana usoo bandhigay isaoo taasina ku tilmaamay in uu u maray hab dastuuri ah oo Maamuladi ka horeeyey ay mareen halka musharaxiintana ay arintaasi ka hor ‘imaadeen.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
