SHir aad u balaaran oo lagu taageerayo in dib loo so dortay madax-weynaha hadda xukuma Mudane Cabdi-Raxmaan SH. Max’ed oo ayaa xalay lagu qabtay hotel-ka Ramada ee magaalada Minneapolis, shirkan oo ay ka soo qayb galeen qaybaha kala duwan ee jaaliyadda Puntland ee ku nool magaalada Minneapolis ee gobolka Minnesota ee dalka Maraykanka ayaa waxaa khudbad halkaas uga so jeediyay jaaliyadda madax-weynaha Puntland oo isagu ka so hadlay xafiiskiisa madaxtooyada ee magaalada Garowe.
Madax-weyne Cabdi-Raxmaan ayaa markii ugu horeysay jaaliyadda reer puntland ee gobolka Minnesota uga mahad celiyay taageerada ay siiyeen, wuxuuna sheegay in waxtaabo badan uu qabtay maamulkisa muddadii shanta sano ahayd ee ay xilka hayeen ayna jiraan waxyaabo aysan wali dhamays tirin laakiin ay rajayniyaan inay dhamay tiri donaan wuxuuna tibaaxay in murashaxiinta la tartamaya isaga uu soo dhoweynayo wuxuuna carabka ku dhuftay inu isaga ka haboonyahay in mar labaad loo soo doorto shaqada xafiiska.
Madax-weyne Faroole ayaa ka waramay wax-qabadkii maamulkiisa intii ay xilka Puntland hayeen, wuxuuna si aad ah uga mahad celiyay tageerada ay jaaliyadda reer Minnesota la garab jogsadeen in mar labaad loo soo doorto xilka madax-weynenimmada Puntland, guud ahaan wuxuu ku ammaanay jaaliyad reer Minnesoto kaalinta muuqata ay ka qaataan isu soo dhoweynta dadka Soomaaliyeed .
Jaaliyadda reer Puntland oo run ahaantii si weyn ugu soo baxay taageerada madax-weynaha Puntland Cabdi-Raxmaan SHllkh Max’ed Faroole in mar labaad la soo doorto ayaa dadkii kulankaas isugu yimid waxaa hadalo u jeediyay odayaasha jaaliyadda ee gobolka Minnesota ku sugan, waxaana ugu horeyntii halkaas ka hadlay wakiilka boqorka ee gobolka Minnesota Cabdullaahi Axmed KHayr oo isagu ka hadlay wax qabadkii maamulka madax-weyne Faroole wuxuuna tilmaamay in maamulka Faroole uu sameeyay wax muuqda oo aan la inkiri Karin.
Waxaa kale oo dadkii isu soo baxay halkaas kula hadlay Ismaaciil Xaji Warsame oo isagu ku hadlayay afka reer Juba land, wuxuuna ku ammaanay madax-weynaha Puntland inuu gacan weyn ka geystay siduu u dhismi lahaa maamul goboleedka Jubbaland wuxuna carabka ku adkeeyay in mar labaad la soo dorto madax-weynaha Puntland .
SHirkan oo ahaa mid aad loo soo agaasimay ayaa waxaa isagana Suldaan Cabdi SHiikh Ismaaciil, oo isagana ku hadlayay afka reer SHabeelaha Hoose Suladaanka ayaa ku ammaanay in madax-weyne Cabdi-Raxmaan SHiikh Max’ud oo keliya uu yahay ninka maanta ka hadla waxyaabaha ka socda goboladaas oo uu sheegay in lagu soo duul;ay, wuxuuna ugu baaqay dadka reer Puntland inay doortaan madax-weyne Faroole oo uu ku ammaanay inuu yahay nin aan meel kale u socon ama aan sida murashaxiinta kale mar Xamar u sii ordaan marna Puntland.
SHirka ayaa waxaa heeso iyo buraanburo lagu taageerayo dib-u-soo-doorashada madax-weyne Cabdi-Raxmaan Faroole ku soo ban-dhigay fanaaniinta magaalada Minneapolis, dadkii faraha badnaa ee ka soo qayb galay shirkaas, waxaana dad-weynihii faraha badnaa ee jaaliyadda ee shirkaas fadhiyay ay si xammaasad ku jrto u qaadayeen heesihii calanka iyo kuwo wadani ah.
HALKAAN HOOSE KA DAAWO SAWIRO BADAN
Use Facebook to Comment on this Post
