Garoowe (RBC RADIO) Lacag kor u dhaafeysa Boqol kun oo Dollar ayeey soo bandhigeen Culimada Puntland ee u xilsaaran aruurinta Lacagaha loogu talagalay in lagu caawiyo dadka ay duufaanadu asiibeen waxaana lacagtaasi laga soo diray dalka dibadiisa waxaana soo diray dadka soomaaliyeed ee Saxaafada ka aragtay sida ay dhibaatadu u gaartay Walaalahood, waxaana ilaa iminka socota gurmadka lasoo dirayo, C/Raxmaan Bin-Diiriye ayaa sidoo kale faa’faahin ka bixiyay halka ay Lacagtan ka timi iyo cida soo dirtay isagoo u hadlaya (Alminhaaj).
“ 1:Jaaliyadda Soomaaliyeed ee Wadanka Ingiriiska gaar ahaan magalada London waxay soo dhiibtay $65.708.65-cent(Irshaad Foundation.
2:Jaaliyadda Soomaaliyeed ee wadanka Canada gaar ahaan magalada Toronto waxay soo dhiibtay $45.000.
3:Jaaliyadda Soomaaliyeed ee Uastereliya gaar ahaan magalada Melborn oo uu wakiil ka yahay Cumar Maxamuud Dhoolawaa waxay soo dhiibeen $31.671.
4:Sharmaarka oo jooga magalada Minneapolis ee wadanka Maraykanka waxa uu sii dhiibay $958-doolar.
5:Jaaliyadda Soomaaliyeed ee wadanka Erland waxay soo dhiibtay $4.250-doolar.
6:Dugsiga hoose dhexe ee AL-waaxa Garowe ardayda dhigata waxay iska soo aruuriyeen $568.doolar.
7:Hay’adda Cilmi baarista Puntland ee PDRC waxay ku tabaracday $2.000.
8:Maxamed Yaasiin Afgaab oo jooga wadanka Maraykanka waxa uu soo diray $2.190, sidaana waxaa yiri Bin-Diiriye.
9:Dugsiga farsamada gacanta magalada Garowe waxa uu ku deeqay $500.
10:Cabdi Xirsi Cali Bootaan oo wakiil ka ah Gabdho Soomaaliyeed oo ku nool Wadanka Holan,culimada waxa uu ku wareejiyay $1.375.
Sheekh Maxamuud Xaaji Yuusuf oo ka mid ah Culimada sida weyn arintan ugu hawlan wuxuu dalbaday in gargaarka aanlaga caajisin, dadkii lacagta soo diray wuxuu alle uga baryay in uu ka ajarsiiyo, wuxuu kaloo sheegay sheekhu in Lacagta ay bixiyeen sidoo kale dadka ku dhaqan Garoowe qaasatan goobo wax lagu barto iyo shaqsiyaad Hay’ado kuwaasi oo kala gooni gooni ah, wuxuu umada soomaliyeed ka dalbaday in ay usoo duceeyaan dadka lacagaha ku deeqaya.
RBC RADIO
Xafiiska Wararka Garoowe.
Use Facebook to Comment on this Post
