Dooda Baarlamaanka oo gordhow bilaamanaysa
Muqdisho[RBC Radio]Waxaa maanta lugu balansan yahay in saacadu marka ay tahay 9:00-subaxnimo saacada magaalada caasumada ah ee Muqdisho in ay bilaabato dood adag oo ay yeellan doonan Baarlamaanka Soomaaliya,waxana dooda Baarlamaanka ay la xiriirta mooshin laga keenay xukuumada uu hoggaamiyo R/wasaare Saacid.
Xarunta gollaha shacabka oo ay Baarlamaanka ku shiri doonan ayaa jawi badal saakay ku jirta waxana la soo dhoobay ciidmo aad ufara badan oo sugaya amniga xarunta,guddaha ayey ciidamadu ugaalen xarunta waxana la sheegay in laga cabsi qabo inay Baarlamaanka isku diidan mooshiinka ay dooda adag ka yeellan doonan.
Mooshiinka maantay laga doodayo,ayaa waxaa dib loodhigay maalinkii shalay iyadoona guddoomiyaha Baarlamaanka uu sheegay in maantay ay dooda mooshinka bilaaban doonto,illaa hadda xildhibaanada isdiwan galiyey ee ka hadli doona mooshinka maantay hor yaalla ayaa lugu sheegay inay gaarayaan 83-xildhibaan waxaan ay isgu jiraan xildhibaanadii keenay mooshinka iyo kuwa ka soo horjeeda.
Xildhibaanadu waxaa la sheegay midkiiba inuu hadli doonno 3-daqiiqo oo uu ku soo gudbinayo hadalkiisa kaga aadan mooshinka xilligaan hor-yaalla.
Dooda Xildhibaanada ee maantay ayaa noqon doonta mid dhinac u rida is-fahan waaga siyaasaded ee ka dhex jira madaxweynaha Soomaaliya iyo R/wasaare Saacid,kuwaaso khilaf xoogani dhex yaallo xilligaan,waxana xilliga ay dhaamato dooda Baarlamaanka,cod loo qaadi doonna kalsoonida jiritaan ee xukuumada taaso sabab unoqon doonta in xilkiisa uu ku waayo R/wasaare Saacid ama uu kusii joogo.
Isku soo wada duubo waxaa jira walaac xooggan oo ay beesha caalamku ka qabaan khilaafka ka dhex jira madaxda sare ee dowladda Soomaaliya,iyadoonna xilligaan dowladda ay hoggaamiyan labada masuul ee xilligaan kala dheer ay tahay mid faderaal,taaso inta badan beesha caalamku ay ku sheegan dowlad rasmi ah.
______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
