Garoowe (RBC RADIO) Musharax Cali Xaaji Warsame oo Soo dhawayntiisii Garoowe loogu sameeyey kadib Saxaafada kula hadlayay Hoyga uu ka dagan yahay Magaalada oo dad kala duwan ay kula sugnaayeen wuxuu sheegay ninka Puntland imaanaya in uu saaran yahay xil weyn loogana fadhiyo in uu wax qabad ka dheereeya ragii ka horeeyey uu la yimaado isagoo muujinaya in Xogaanka Puntland waji cusub la wareegi doono sida laga dha-dhansan karay hadalka Musharaxa.
“Ninka Puntland imaanaya Xilbaa saaran waana in uu dhanka waxtarka uga dheereeyaa ragii ka horeeyey taana waa astaanta lagu garan karo hogaanka cusub, aniga Cali xaaji ah waxaan cadeynayaa hadii Faoole ku guuleysto inaan la shaqeeyo hadii mid kale ku guuleyto in aan la shaqeeyo hadii aan anniga guusha hantiyona waxaan dalbanayaa in leyla shaqeeyo sidaa ayaa xalku ku jiraa waana in aan sidaa u hogaan sannaa ayuu yiri Mudane Cali.
Hadaladiisa waxaa ka mid ahaa in Dhalinyaro Puntland ay hogaamindoonto horayna Madaxweynaha Puntland Dr Faroole uga dhawaajiyay in Qof 70tan ka weyn uusan Puntland maamuli doonin Taasi ayaana dhaqan gali doonta dhalinyarada wadada halooga leexdo ayuu yiri Musharax cali Xaaji.
Nabadoono iyo wax garad gurigiisa ku Booqday Musharaxa ayaa sheegay in Amniga Caasimadu uu yahay Mid Sugan ayna soo dhaweynayaan Musharaxi ugu horeeyey in uu soo gaaro lana soo dhaweeyo iyadoo ay jireen Musharaxiin horay caasimada u joogay iskana Sharxay,Nabadoonadu waxay Cali Xaaji ku tilmaameen nin Rugcadaa ah mudanna guuxiisa ay Saxaafada ka maqlayeen hadase ay kusoo dhaweynayaan Caasimada Puntland.
RBC RADIO
Xafiiska Wararka Garoowe.
Use Facebook to Comment on this Post
