Musharax Shire Xaaji Faarax
Bismillshi Raxmani Raxiim, Assalama Calykum
- Ugu horreyn waxaan si wayn uga tacsiyaynayaa dadkii ku dhintey iyo kuwii ku dhaawacmey dagaalkii maantey ka dhacay deegaanka taleex. Waxaan ilaahay uga baryayaa intii dhimatey in ilaahay siiyo naxariis iyo Janno, inta dhaawaca ahna ilaahay caafimaad siiyo. Innaga oo dhanna ilaahay innaka siiyo samir iyo iimaan.
- Waxaan ugu baaqayaa dadka walaalaha ah ee dagaalamaya in ay si deg deg ah xabadda u joojiyaan oo ay wax kasta ku dhameeyaan wada hadal
- Waxaan ugu baaqayaa isimada, cuqaasha, nabadoonada, iyo dhamaan wax-garadka Puntland in ay si deg deg ah u dhex galaan dadkaan walaalaha ah ee ku dagaalamaya deegaanka taleex.
-Waxaan kaloo ku baaqaynaa in dhaacdadan iyo kuwa la mid ah aan looga faa’idaysan arrimo siyaasadeed. Mana aha wax fiican in damac siyaasadeed lagu abuuro colaad laguna daadiyo dhiig sokeeye.
- Dagaal wiil baa ku dhinta ee wiil kuma dhasho, walaalayaal waxaan mar labaad iyo mar saddexaad idinka codsanayaa in aad xabadda joojisaan si shuruud la’aan ah
Waa Musharaxii ugu horeeyey ee dira baaq ku aadan sidii loo joojin lahaa dagaalka ka socda Taleex
_____________
RBC Radio
Boosaaso
Use Facebook to Comment on this Post
