Dhismaha Wado Laami ah Oo Maanta Laga Bilaabay Magaaladda Boosaaso ee xarunta gobolka Bari (Sawirro)

Boosaaso(RBC Radio) Munaasabad lagu daahfurayey dhismaha wado laami ah oo laga hirgelinayo magaaladda Boosaaso ayaa maanta lagu qabtay Hoolka Jaamacadda Bariga afrika ee Boosaaso.

Wadadan laga dhigayo laamiga oo lagu magacaabo Jidka 30-ka ayaa ka bilaabata Jaamacadda Bariga afrika isla markaana ku dhammaata Dekedda weyn ee Boosaaso ayaa,waxaa dhaqaalaha ku baxaya bixisay dowladda Talyaaniga.,wuxuuna dhererkeedu yahay 5kilomitre iyo 830 mitre baleceeduna yahay 7mitre.

Munaasabada lagu daahfurayey Wadada ayaa,waxaa kasoo qeybgalay Maamulka degmada Boosaaso,Saraakiil ka socotay Hay’adda UN-HABITAT,Wasiir dowlaha dekedaha,gaadiidka badda iyo ladagaalanka Burcadbadeeda Cabdishakuur Mire Aadan,Ganacsato,Xildhibaano iyo marti sharaf ka socotay Jaamacadaha.

Madaxa Mashruuca Alova Bock oo ka socday Hay’adda UN-HABITAT ayaa sheegay in dhismaha wadadan ku dhameystiri doonaan muddo lix bilood ah,wuxuuna intaas ku daray in wadadan ka faa’ideysan doonaan Shacabka reer Puntland iyo guud ahaan Ummada Soomaaliyeed.

Duqa degmada Boosaaso Xasan Cabdalla Xasan oo munaasabadan ka hadlay ayaa faa-faahin ka bixiyey dhismaha wadada Sodonka ayaa sheegay in wadadan qeyb ka qaadaneyso horumarinta isu socodka Gaadiidka magaaladda Boosaaso.

Aggaasimaha Guud ee Wasaaradda Dekedaha iyo Gaadiidka Badda Puntland Cabdimajiid Samatar Maxamuud[Jaafaan] oo madasha ka hadlay ayaa sheegay iney farxad tahay in la bilaabo Mashruuc lagu balaarinayo dekedda Boosaaso.

Wuxuu sheegay in Mashruuca lagu ballaarinayo Wadooyinka ka baxa uu socday ilaa 2008 isla markaana qorshaha hawshaas isaga danbeeyeen Maamuladii soo maray degmada Boosaaso.

Cabdimajiid Samatar Maxamuud[Jaafaan]

……””Wadadan waxan u maleynayaa,waxaa la bilaabay 2008waxa u kala danbeeyey Maayarkii Saddexaad oo nasiibka u yeeshay inuu laami ka dhigo Xasan Cabdalle laakiin waxa ka horeeyey laba maayer oo midna uu dhagax dhigay oo kala bar geeyey kan kalena ku daray ilaa Jidka Madaxtooyada….”’ayuu yiri Jaafaan.

Wuxuu sheegay oo kale ……””Mashruucan,wuxuu socdaa laba sano,waxaan bilownay 2012 codsigii ugu horeeyey ,waxaa naga aqbashay dowladda Talyaaniga ,Sideedii bilood ee u danbeeyeyna wakhtigan u gudbinay qoraalka UN-HABITAT sidii qandaraaskeeda lagu bixin lahaa iyo sidii loo go’aansan lahaa waxa la qabanyo ….””ayuu yiri.

Wasiir dowlaha dekedaha,gaadiidka badda iyo ladagaalanka Burcadbadeeda Cabdishakuur Mire Aadan ayaa xusay in horumarka la gaaray ay keeneen dadka ku dhaqan magaaladdaBoosaaso taasina ay ku tuseyso sida ay horumarka u Jecelyihiin.

,,,,,,,,,”””Boosaaso sidey ahayd waa la ogaa maantana dadka ayaa horumarkan keenay ,macnuhu waxa weeyaan dadku iney ka fekeraan horumarka ,Tartanka Boosaaso oo ah iney la tartanto dekedaha kale,Airporka Boosaaso inuu la tartamo Airporada kale ee dalka dunidu wey tartameysaa marka reer Boosaasow haka harina Tartanka………..”””ayuu yiri Cabdisjakuur.

Qaar kamid ah Issimadii ka qeybgashay Munaasabada daahfurka wadada Jidka Sodonka oo ka hadashay ayaa sheegay iney si weyn usoo dhaweynayaan dhismaha wadada isla markaana uga mahadcelinayaan dowladda Talyaaniga iyo Hay’adda UN-HABITAT.

Ugu danbeyntii Duqa degmada Boosaaso Xasan Cabdalla Xasan ayaa ciidii ugu horeysay ku shubay halka laga bilaabayo dhismaha wadadan taasoo muhiimad u leh guud ahaan bulshada gaar ahaana gaadiidleyda Isticmaasha iyo ganacsatada Boosaaso.