Marka(RBC Radio) Wararka naga soo gaaraya magaalada Marka ee xarunta gobolka shabeelaha hoose ayaa ku waramaya in saaka uu gabi aahnba xiran yahay isu socodka iyo ganacsiga magaaladaas kadib dagaal shalay magaalada ku dhexmar ciidamo ka wada tirsan askarta dowlada Soomaaliya,dadka deegaanka ayaa saaka ku sugan guryahooda iyagoo ka cabsi qaba in mar kale uu magaalada ka bilowdo dagaal.
Ciidamadii shalay ku dagaalamay magaalada Marka ayaa ku wada sugan gudaha magaalada taasoo cabis ku beertay shacabka ku dhaqan degmada Marka kuwaas oo ka baqdin qaban iney magaalada isku fara saaraan ciidamadii dagaalamay walow ay socdaan waan waan iyo dadaalo nabadeed oo laga dhex wado dhinacyada ku hardamay magaalada Marka.
Dhanka kale maamulka gobolka shabeelaha hoose ayaa baaq u diray dowlada Soomaaliya iyagoona ka codsaday in ciidamada ku dagaalamay gudaha magaalada Marka la xareeyo isla markaane tababar loo furo,gudoomiyaha maamulka shabeelaha hoose C/qaadir Max ‘ed Nuur Siidii ayaa sheegay in ciidanka dagaalamay aysan ahayn ciidan leh tababar ciidan isagoona ka dalbaday dowlada Soomaaliya iney xareyso ciidankaas.
Shalay ayey ahayd markii uu dagaal geystay dhimasho iyo dhaawac ku dhexmaray magaalada Marka ciidamo ka wada tirsan dowlada Soomaaliya,waxaana saaka laga cabsi qabaa iney markale fooda is daraan ciidamada dagaalamay.
RBC Radio
Xafiiska Wararka Muqdisho
Use Facebook to Comment on this Post
