Karlsruhe-Germany : Waxaa dhamaan Baaq halkan aanu uga direynaa dhamaan Jaaliyaddaha Soomaaliyeed ee ku nool Dalkan Jarmalka anigoo ugu baaqeyna inay ka qayb qaataan musiibadda qadarka Alle ah ee ka dhacdey qaar ka mid ah Goboladda Dowlad Goboleedka Puntland ee Soomaaliyeed , taas oo ay Dad iyo Duunyaba ku dhinteen intii harteyna ay u baahan yihiin kaalmo ama gargaar dhan walba ah ha noqoto mid Quudin iyo agabka dharka , Caafimaadka dadka iyo ka hortag cudurro ka dhasha baqtigii xoolaha, dib u degin iyo Xoolo dib ugu ururin iyo magaalooyinkii iyo Tuulooyinkii burburey in dib goobihii adeega Bulshadda ahaa loo dhiso ama loo dayactiro sida Goobihii Waxbarashada Dusiyadda iyo Iskuuladda , Caafimaadka , Biyaha IWM.
Howshan gargaarka ama kaalmo ururinta ah ayaa waxaa masuuliyaddeeda iyo Talo bixinteeda qaadey Daladda Jaaliyadda Puntland Diaspora Forum In Germany iyo dhamaan bulshadda reer Puntland eek u nool dalkan Jarmalka , waxayna ugu baaqayaan Ummadda Soomaaliyeed ee kula nool dalkan jarmalka inay kala qayb qaataan ayagoo u diyaariyey qaabkii ay wax ku bixin lahaayeen sida ugu sahlan ama ugu fudud taas oo loo sameeyey bacdamaa dalkan Jarmalku yahay dalka ugu weyn Qaaradda Yurub dadkuna kula fidsan yahay waxaa la sameeyey ilaa 3 dariiqo ama qaab oo wax lagu bixin karo.
1. Iyadoo la sameeyey guddiyo heer dowlad-goboleed (Bundesstadt) oo Kaalmo bixinta iyo ururintaba masuul ka ah Goboladaas
2. In Qofkii ka fog goobaha guddiyadu joogaan ama ay ku adag tahay inuu Bankiga ku soo bixiyo daruufo jira waxaa uu ku soo diri karaa xawilaadaha soomaalida mid kasta oo u dhow ,asagoo u sheegay inay tahay kaalmo ama gargaar u socda dadkii duufaanta ku waxyeeloobey (Amal, Iftiin, Kaah )
3. Dadka ayagu shaqeysta oo raba in cadeymo la siiyo(spendenbescheinigung ama spendenquittung)ay canshuur celin ku sameystaan ama aan joogin meelaha Soomaalidu ku badan tahay waxaa loo diyaariyey inay ku soo shubaan Kontadda Dalladda Puntland Diapora Forum In Germanay waana sidan :
Puntland Diaspora Forum In Germany
Konto Nr : 108189135
Bankleitzahl(BLZ) : 6605 0101
Sparkasse Karlsruhe Ettlingen
Verwendungszweck : spenden für Taifun CycloneO3A Puntland/Somalia
Xasuusin(NB): fadlan Verwendungszweck waa ujeedada lacagta iyo meesha loo bixiyey ee ha ka hilmaamin inaad ku qortid si aysan u noqon mid dalladu ku socota !!!!
Wixii faafaahin ah ee intaas dheer kala soo xiriir .
Mohamed Ali Musse Farah ( madhoodhe)
Telfoonada : Home- 072149971696 ama Handy-017626926900
Waxaan kaloo halkan idinkugu soo gudbin doonaa magacyadda iyo Telfoonadda Qaar ka mid ah guddiga Goboladda ee loo doortey howsha kaalmo ururinta iyo isku xirka Jaaliyaddaha si ay ula xiriiraan ama macluumaad uga helaan dadka kaalmo ama gargaar dhiibayaasha ah .
1. Gudoomiyaha Guddiga Goboladda ee Kaalmo ururinta iyo isku xirka Jaaliyadda mudane Sheekh Falaax Moxamuud Saciid tel: 0176-79726611
2. Gud-xigeenka PDFG oo loo xil saarey Goboladda Waqooyiga dalka Jarmalka mudane Cabdulkadir Xaaji Cali (malaay) Tel: 0157-76680427
3. Madaxa Xafiiska PDFG oo loo xilsaarey Gobaladda Dhexe (rheinland pfalz,Hessen) , marwo Xaliimo Maxamed Cumar Telfoonka : 01521-1402389
4. Mudane Aadan Diiriye oo loo xilsaarey Gobolka Bayern Tel: 01521-1849461
Dhamaan waxaa laga codsanayaa Kaalmo ama gargaar bixiyayaashu inay waqtiga dhowraan , taas oo ah maalinta ugu danbeysa oo ay Jaaliyadda Puntland ee dalka Jarmalku deeqdaas gudbineyso ay tahay maalinta Jimcada 06 Dez 2013.
Waad mahadsan tihiin dhamaantiin.
Mohamed Cali-madhoodhe
Karlsruhe, Germany
Use Facebook to Comment on this Post
