Hargaysa(RBC Radio) Maamulka Soomaaliland ayaa sheegay inay qalabayn doonto ciidamadeeda Booliska, wasiirka arimaha gudaha maamulka Soomaaliland Cali Maxamed Waran-cadde ayaa sheegay in ciidamada Booliska maamulka Soomaaliland lagu qalayn doono diyaaradaha dagaalka ee Helicopter-ka ah.
Wasiirka arimaha gudaha maamulka Soomaaliland Cali Maxamed Waran-cadde ayaa tilmaamay in ciidamada booliska ee maamulkaas ay mar dhow heli doonaan diyaaradaha dagaalka ee Helicopterka ah, wuxuuna xusay inay lagu ilaalin doono ammaanka deegaanada maamulka Soomaaliland.
Dhinaca kale wasiirka arimaha gudaha maamulka Soomaaliland Cali Maxamed Waran-cadde ayaa maalinimadii shalay ciidamada Booliska maamulkaas ku wareejiyay gawaarida gurmadka deg dega ah lagu sameeyo oo ay tiradoodu gaarayso illaa 7 gaari.
Sidoo kale wasiirka arimaha gudaha maamulka Soomaaliland ayaa hore ciidamada taraafikadda ee ilaalada wadooyinka maamulkaas ku wareejiyay darayska ciidan wuxuuna balan qaaday inay kor u sii qaadi doonaan tayaynta ciidamada maamulka Soomaaliland.
Masuuliyiinta maamulka Soomaaliland ayaa dadaal xoogan ugu jira sidii ay u qalabayn lahaayeen ciidamada qalabka sida ee maamulkaas si ay u adkeeyaan ammaanka deegaanada maamulka Soomaaliland.
RBC Radio
Xafiiska Muqdisho
Use Facebook to Comment on this Post
