Boosaaso(RBC Radio) Waxaa maanta soo gaaray magaaladda Boosaaso ee xarunta gobolka Bari Ergayga Qaramada Midoobey Soomaaliya Nickolas Kay iyo Wafi uu hoggaaminayo oo kasoo duulay magaaladda Gaalkacyo.
Mr Nickolas Kay iyo Wafdigiisa ayaa garoonka diyaaradaha,waxaa kusoo dhaweeyey Wasiirka Maaliyadda Faarax Cali Jaamac,Wasiir Kuxigeenka amniga Cabdijamaal,Guddoomiyaha gobolka Cabdisamad Maxamed,Duqa Bosaso Xasan Cabdalla Xasan,Saraakiil iyo xubno ka tirsan Shaqaalaha UN-ka ee Puntland.
Wasiirka Maaliyadda dowladda Puntland Faarax Cali Jaamac oo Saxaafada kula hadlay gudaha garoonka ayaa sheegay in imaatinka Mr Key ay salka ku hayso inuu kulamo la qaato odayaasha dhaqanka,bulshada rayidka ah iyo Musharaxiinta doorashada.
….’’’Wuxuu la kulmayaa Issimada,bulshada rayidka ah,musharaxiinta,wuu joogayaa muddo kooban haddii rabi idmo,wuxuuna arkayaa u kuurgalayaa xaalada ka jirta wadanka gaar ahaana gaar ahaana magaaladda Boosaaso oo ah magaaladii ganacsiga Puntland…’’’ayuu yiri Wasiirku.
Ergayga Qaramada Midoobey Soomaaliya Nickolas Kay ayaa isna dhankiisa ka hadlay Ujeedada uu u yimid magaaladda Boosaaso iyo kulamada uu la qaadanayo qeybaha bulshada iyo Musharaxiinta doorashada Puntland.
Mr Key oo booqashada ay u noqoneyso tii ugu horeysay oo u ku yimaado tan iyo markii loo magacaabay xilkan ayaa sheegay in uu aad ugu faraxsanyahay imaatinkiisa magaaladda Boosaaso isagoona xusay in laga gelayo doorashada Puntland.
……..’’’’Aad baan ugu faraxsanahay inaan imaado Boosaaso waana booqashadii ugu horreysay oo aan ku imaado.waxaan u imid Boosaaso magaalo muhiim u ah Puntland iyo Soomaaliyaba,waana wakhti aad muhiim u ah maadaama aad u diyaar garoobeysaa doorashayooyinka Puntland…….’’’’’ayuu yiri.
Wuxuu xusay in Qamada Midoobey ay wadanka u joogto iney dhiirigeliso isla markaana ku taageeraan Puntland doorasho xaq iyo xalaal ah oo ka dhacda.
………..’’’’Qaramada Midoobey waxay Uj joogaan iney dhiirigeliyaan ayna ku taageeraan doorasho xaq ah oo xalaal ah iney ka dhacdo Puntland……..’’’’’’ayuu yiri Mr Nickolas Key.
Ergayga Qaramada Midoobey Soomaaliya Nickolas Kay ayaa gabagabadii sheegay in loo baahanyahay in lagu dadaalo sidii ay u dhici lahayd doorasho xaq ah oo xalaal taasina ay tahay mida loo baahanyahay.
______________
Cismaan Turaabi
RBC Radio
turrabi30@gmail.com
Use Facebook to Comment on this Post
