Garoowe (RBC Radio) Culimadan waxaa horkacaya Sheekh Maxamed C/Casiis Ducaale iyo Sheekh Maxamed C/wali C/laahi oo kasoo kicitimay Dalka Ugandha Culimadan waxaydalkaasi kasoo aruuriyeen Deeq lacag ah waxayna ku talagaleen in Gudiga Culimada ee Gobolka Nugaal ay ku wareejiyaan waxayana Maanta kasoo degeen Garoonka Diyaaradaha ee Gaalkacyo kadibna dhanka Garoowe ayeey usoo baqooleen.
Afaafka koonfur ee Garoowe waxaa Culimadan kaga Hortagay Gudiga Culimada Puntland u qaabilsan arimaha Gurmadka waxaana horkacayay Sheekh Maxamuud Xaaji yuusuf iyo Sheekh C/qani Maxamed Qorane waxaana soo dhaweyn iyo casho sharaf loogu sameeyey isla caawa Magaalada Garoowe ee Caasimada Dowlada Puntland.
Culimadan oo Lacag aan hada Cadadkeeda la qiyaasi Karin wada ayaa la filayaa in ay Berito si guud shir’Saxaafadeed ugu qabtaan Magaalada Garoowe iyagoo ka hadli doona Lacagta ay sidaan cadadkeeda dadkii ay kasoo qaateen iyo in ay ugu talagaleen ku biirinta Tabarucaada loo fidinayo dadka ku barakacay roobabkii ka da’ay Puntland.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
