Kuwait[RBC Radio]Magaalada Kuwait City waxaa maantay ka furmaya shir madaxeedka wadamada Afrika iyo Carabta.
Shirkaan ayaa waxaa ka qeyb galaya madaxda wadamada Carabta iyo Afrika,waxana ay isla soo qaadi doonan mudada uu socdo arrimo lawda xiriira dalalka,waxana shirkaan soo xaadiraya in ka badan madaxda lixdan dowladood oo isugu jira Afrikan iyo Carab, waxaana looga hadlayaa sidii wadamadaasi isaga kaashan lahaayeen horumarka, dhaqaalaha iyo ganacsiga.
Waxaa dalkeena Soomaaliya shirkaan uga qeyb galaya xubno uu hor-kacayo guddoomiyaha baarlamanka Prof. Jawaari,waxana inta uu socdo lugu wadda in guddoomiye Maxamed Sheekh Cusmaan Jawaari,uu jeediyo khudbad ka hadleysa xaaladda dalkeenna iyo sida ay Soomaaliya ugu baahantahay maalgashi iyo horumar dhinaca dhaqaalaha ah si ay uga soo kabato diiftii, darxumadii iyo burburkii laga dhaxlay dagaaladii sokeeye ee dalka ka dhacay.
Jawaari sidoo kale waxaa uu la shiri doona sida la sheegay madax katirsan kuwa xilligaan ka soo qeyb galaya shirka,waxana la sheegay inuu kala hadli doono sidii Soomaaliya ay gacan uga heli lahayd wadamada Carbed iyo kuwa Afrika.
Isku soo wada dubo shirkana waxaa uu soo xirmaya maalinta beri ah, waxaana lagu wadaa iney ka soo baxaan go’aanno,iyadoona la filayo in go’aamada shirka qeybtood ay wax tar u noqdaan Soomaaliya.
______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
