Nairobi (RBC) War hadda na soo gaaray ayaa sheegaya in goordhow ciidamo gaar u tababaran oo Isreal ah ay ka degeen garoonka Jomo Kenyatta ee magaalada Nairobi, iyagoo ku sii jeeda suuqa Westgate ee dagaalka uu ka socdo kaasoo qeyb ahaan ay leeyihiin ganacsato Yuhuud ah oo Kenya degan.
Wararka ayaa sheegaya in laga yaabo in dawlada Kenya ay codsatay kaalmo inay ka hesho wadamada dibadda ka dib markii maalintii labaad ay gashay ismariwaaga ka taagan suuqa Westgate ee ay shalay qabsadeen koox ka tirsan Al Shabaab oo illaa maanta weli haysta.
Qof ku sugan agagaarka goobta ayaa sheegay in saaka waaberigii uu dib u qarxay dagaalka meesha ku dhexmaraya ciidamada Kenya iyo ragga hubeysan ee goobta ku jira kuwaasoo tiradooda aan laga waerheynin.
Rasaas culus ayaa bilaabatay, waxaanaweli ciidamada Kenya ay awoodi la’yihiin inay goobta gudaha u galaan.
Ciidamada gaarka ee Yuhuuda ayaa la filayaa inay dagaal la galaan maleeshiyada suuqa ku jira ee la sheegayo inay dad badan meesha ku afduubteen.
Dhimshada ayaa hadda gaareysa 40 ruux dad ka badan, halka dhaawacuna uu yahay 160 wararka dambeeya sida ay sheegayaan.
RBC Radio
Use Facebook to Comment on this Post
