Madaxweyna Soomaaliland Siilaanyo
Hargayso[RBC Radio]Madaxweynaha maamulka Soomaaliland Axmed Maxamed Maxamuud (Siilaanyo) oo muddooyinkan safaro lugta ah ku marayey qeybo ka mid ah gobollada Soomaaliland ayaa maantay dib ugu soo labtay magaaladda Hargaysa,waxana uu madaxweynaha inta badan deegaannada uu tagayey kasoo xadhig jarayey soona dhagax dhigayey mashaaric horumarineed kuwaaso laga hirgalinayey deegaanno dhor ah oo Soomaaliland ka tirsan.
Madaxweyne Siilaanyo oo ay socdaalkiisa ku waheliyaan xubno ka tirsan wasiiradda maamulka iyo masuulinyin kale ayaa dib ugu noqday magaaladda caasumada uu ah Soomaaliland ee Hargaysa,halkaaso ay kusoo dhaweeyen masuuliyin iyo qeybaha bulshada Hargaysa.
Sidoo kale madaxweyne Siilaanyo intii uu socdalka ku kala bixinayey gobollo ka tirsan Soomaaliland waxaa uu kulamo la soo qaadanayey masuuliyinta goobaha uu tago,waxgaradka iyo qeybaha bulshada isagoona ka xog waraysanayey xaaladda ka jirta deegaannadooda iyo wax yaalaha xiligaan ay tabanayaan oo ay doonayan in isbadal laga dhaliyo.
Siilaanyo waxaa uu socdaalkiisa ku tilmaamay mid taariikhi ah maadama uu sheegay inuu tagay dhul ballaaran oo ka tirsan Soomaaliland una wax ka soo ogaaday nolasha ka jirta qeybo ka mid ah dhulka uu maamulo,waxana uu inta madaxweynuhu hadalkiisa ku daray in guul uu ugu soo dhamaaday safarkiisi dheera ee uu kaga maqna magaaladda Hargaysa.
Si kastaba socdaalka madaxweynaha Soomaaliland uu kusoo maray qeybo ka mid ah dhulka Soomaaliland waxaa uu qeyb ka noqonaya socdaaladi ugu ballaarana ee uu ku kala bixiyo qeybo ka mid ah gobollada tan iyo markii loo dortay madaxweynaha maamulkaas.
_______
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
