Brussels, Belgium : Tababare Fartun Nur-salad H. Osman ayaa booqasho ku mareysay dalalka Yurubta Galbeed qaar ka mid ah ayadoo martiqaadyo ka heshay ama ay u fidiyeen Jaaliyado kale gedisan halkaas. Tababare Fartun Osman oo ah tababare sare oo ku nool dalka USA ayaa ah shaqsiyad ku caan baxdey Tababarida iyo dhiiri gelinta Dhalinta ama Jiilka soo koraya ayadoo habeen iyo maalinba u taagan inay kor u qaado kuna baraarujisa sidii ay mustaqbal fiican u sameysan lahaayeen , isla markaasna uu xiriir fiicani uga dhaxeyn lahaa ayaga iyo waalidiintooda, ayadoo tababarta Jiilasha gabdhaha ee ay da´doodu u dhaxeysa Age 8-18 Sanno ayadoo barta kubbadaha Cagta(Soccer) iyo Gacanta(Basketball).
Tababare Fartun Osman ayaa Booqashadeedii magaaladda Brussels ee dalka Belgium kula kulantey madaxda Soomaalida , Siyaasiyiin, Aqoonyahanno iyo qaybaha kala gedisan ee Bulshada sida Madaxweynaha Dowlad Goboleedka Puntland Dr Cabdirahmaan Maxamed Faroole , Hogaamiyaha Maamulka Jubba Axmed Maxamed Islaam(Axmed Madoobe),Prof. Maxamed Cabdi Gaandi, Ex- r/wasaare Cumar Cabdirashiid Cali Sharmaarke , Wasiirka Caafimaadka Maamulka Puntland Dr Cali Cabdulaahi Warsame iyo Jaaliyaddo badan oo meelo kala gedisan ka yimid una yimid ka qayb galka shirka iyo la kulanka madaxda dalka ee shirka timid.
Tababare Fartun Osman ayaa kala hadashey madaxdii ay la kulantey in dhalinyaradda (wiilal iyo gabdhaha) soo koreysa la wacyi geliyo loona sameeyo dhaqan celin, Barnaamijyo Isboorti, Waxbarasho (Go 2 School) iyo Shaqo abuuris si ay uga maagaan ama aysan naftooda Tahriib iyo Badda ku halaagin oo aysan ku dhiman,taas oo ay u riyaaqeen masuuliyiintii ay la kulantey ugana mahad celiyeen ayagoo u balan qaadey haddii ay timaado dalkii inay wax badan la qaban doonaan dadka iyo dakana uga faa´iideyn doonaa howshaas ay ku jirto.Dhanka kale tababare Fartun Osmaan ayaa Gudoonsiisey masuuliyiintaas Abaalmarin “ AWARDS in Human Service ” oo ay hore u siiyeen Haya´da Caalamiga ah ee THE MckNIGHT FOUNDATION Sannadkii 2011.
Guud ahaan tababare Fartun Osman ayadoo Booqashadeeda dalalka Yurub sii wada waxay mari doontaa Dalka Jarmalka halkaas oo ay martiqaad u fidiyeen Jaaliyadda Puntland Diaspora Forum In Germany (PDFG) iyo shir lagu horumarinayo korna loogu qaadayo Haweenka iyo barnaamijka Go 2 School oo lagu qabanayo dalka Faransiiska .
Use Facebook to Comment on this Post
