Muqdisho(RBC Radio) Wafti ka socda qaramada midoobe ayaa maanta gaaray magaalada Jowhar ee xarunta gobolka shabeelaha dhexe waftiga ayaa waxaa horkacayey danjire ku xigeenka qaramada midoobe ee arimaha Soomaaliya Peter D’Clerk.
Waftiga ayaa markii ay gaareen magaalada Jowhar waxaa si weyn ugu soo dhaweeyey maamulka ka arimiya degmada,masuuliyiinta ka socda qaramada midoobe ayaa wada hadadalo la yeeshay madaxda maamulka gobolka Shabeelaha dhexe iyo ka degmada Jowhar.
Waxaana lagu lafa guray kulamada ay yeesheen labada geesood sidii qaramada midoobe ay u taageeri lahayd shacabka gobolka Shabeelaha dhexe oo in muddo ah aan helin wax gargaar ah kadib markii kooxda alshabaab oo muddooyinkii danbe ka ariminaysay gobolkaas ay gabi ahaanba mamnuucday hay’adaha qaramada Midoobe.
Waftiga ayaa kormeer ku tagay xarumo dhowr ah oo ka mid ahaayeen Cisbitaalka guud ee magaalada Jowhar iyo xaruntii koonfurta iyo bartamaha Soomaaliya ee hay’ada UNICEF,waftiga qaramada midoobe ayaa markii ay soo gabagabeeyeen kulamadii iyo kormeerkii ay ku sameeyeen magaalada jowhar waxa ay dib ugu soo noqdeen magaalada Muqdisho oo ay markii hore ka ambabexeen.
RBC Radio
Xafiiska Wararka Muqdisho
Use Facebook to Comment on this Post
