Madaxweyne Faroole iyo waftigiisi oo Dubai u ambabaxay
Dubai[RBC Radio]Dalka Jabuuti waxaa gaalinkii danbe ee maantey ka ambabaxay wafti uu hoggaaminayey madaxweynaha dowladda Puntland ee Soomaaliyed Cabdirixmaan Sheekh Maxamed Maxamuud( Faroole) iyagoo maalmihii ugu danbeeyey halkaa kusugna.
Waftiga madaxweynaha waxaa qeyb ka ahaa xubno katirsan gollaha wasiiradda ee dowladda Puntland.
Inta ay ku sugnaayen waftiga madaxweyne Faroole dalka Jabuuti waxay la kulmeen madaxda dalkaas oo ay kawada hadleen arrimo dhor ah oo u badna xiriirka wada shaqeyned ee labada dhinac iyo sidii loo si xoojin laha.
Sidoo kale madaxweyne Faroole waxaa uu la kulmey intii uu ku sugna dalka Jabuuti R/wasaaraha Soomaaliya Cabdi Faarax Shirdoon Saacid.
Waftiga Puntland ayaa dalka Emaaraadka Carabta ee ay maantey u kicitimeen uga qayb gali doona shir caalami ah oo looga hadlayo arrimo la xiriira burcad badeedda,maadama Puntland ay ka mid tahay xubnaha sida weyn ula dagaalaay burcad badeedda.
Sidoo kale inta uu socdo shirka looga hadlayo burcad badeedda waxay Puntland shirka ka aqrin doonta warbixin quseysa guusha Puntland ay ka gartey ladagaalanka kooxaha qafaasha maraakibta ganacsiga iyo kuwa dalxiiska.
Si kastaba socdalka waftiga uu ku tagay dalkaasi Emaaraadka Carabta waxaa uu qeyb kayahay socdaalo kala gadisan oo ay kusoo kala bixiyeen dalalka Kenya, Itoobiya iyo Jabuuto oo ay hadda ka dhoofen.
_________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
