Muqdisho{RBC Radio} Shirweynaha Qaran ee geedi socodka siyaasada Soomaaliya iyo hiigsiga sanadka 2016ka ayaa la filayaa in maanta lagu soo gabgabeeyo magaalada Muqdisho ee caasimada dalka Soomaaliya.
Shirkan qaran oo Afartii maalmood ee aynu ka soo gudubnay ka socday magaalada Muqdisho ayaa waxa looga dooday qodobo badan oo muhiim u ah siyaasada dalka iyo sidii sanadka 2016ka doorashooyin xor ah loo gaarsiin lahaa dalka, waxaana maanta lagu wadaa in uu madaxweynaha Soomaaliya soo afmeero kulanka.
Mudadii uu shirku socday ayaa looga dooday qodobo muhiim ah ayna ka mid ahaayeen,in Dib u eegis lagu sameeyo Dastuurka ku meel gaarka ah ee dalka,iyo in Dib loo habeeyo hey’adaha dowlada Soomaaliya
Waxaa sidoo kale kulanka looga hadlay in ladhiso guddiga madaxa banaan ee Doorashooyinka dalka, baahinta siyaasada dowlada iyo sidii ay uga qayb geli lahaayeen shacabka Soomaaliyeed iyo sidii loo hormarin lahaa Hay’adaha Garsoorka dalka.
Ergada ayaa aad ugu dheeraatay ka doodista Dastuurka iyo qaybsiga Khayraadka dalka Soomaaliya waxana lagu wadaa in uu soo xiro kulanka maanta madaxweynaha Soomaaliya.
Ergada shirka ka qeybgaleysa ayaa u badan aqoonyahano Soomaaliyeed oo laga kala keenay gudaha iyo dibada dalka.
Qubarro Soomaaliyeed ayaa saadaaalin ka bixisay shirkan waxayna sheegeen in ay dowladdu uga gonleedahay sidii ay u hanan leheed gabi ahaamba dalka iyo sidii ay taageero uga heli lahayd Shacabka Soomaaliyeed ayna maamulada ka soo horjeedo ugu qancin lahayd sidii ay dowlada u taageeri lahaayeen.
RBC Radio
Xafiiska Muqdisho
Use Facebook to Comment on this Post
