Ciidamo ka tirsan alshabaab
Muqdisho[RBC Radio]Kooxda Islaamiyinta ah ee al-Shabaab ayaa markii ugu horeysey si cadd u sheegatey inay ka danbeeyen daraasin qaraxyo ah oo xalay ka dhacay magaaladda caasumada ah ee Muqdisho.
Al-Shabaab warkaan waxay ku xaqiijiyen boggooda ay ku leeyihiin Twitter,waxaana ay sheegten mas’uuliyadda qaraxyadii xalay.
Illaa iyo hadda waxaa la sheegay qaraxyadda inay galafteen nafta hal ruux,kaaso ku dhintey mid ka mid ah qaraxyadii dhacay.
Xoogga al-Shabaab waxay warkooda ku sheegen inay Muqdisho xaley ka fuliyeen wax ay ugu yeereen howlgallo culus.
Gen. Maxamed Yuusuf Cumar afhayeenka hay’adaha nabadgelyada iyo amniga qaranka oo la hadlay warbaahinta dowladda ayaa sheegay in qaraxyadu ay ahaayeen wax uu ugu yeeray waxyaabo horey ay u sameyn jireen kooxaha dowladda ka soo horjeeda.
Waxaa uu hadalkiisa kusoo qadey Gen. Maxamed inaysan jiri khasaaro ay geesten qaraxyadii xalay Muqdisho ka dhacay,waxana uu fariin u direy cid kasta oo isku deyda inay dhibaato ka geysato guddaha magaaladda Muqdisho,isagoona sheegey in ciidamada ammaanka lagaliyey heegan sare si ay uga hortagaan khatarta ka imaan karta kooxaha kasoo horjeeda nabadda,waaa sida uu hadalka u dhigaya.
Gen. Maxamed Yuusuf Cumar
…”"”"Ma jiran wax khasaaro ah oo ay qaraxyadaa geesten,balse ciidamadu waa ay ka hortagi doonan kooxaha nabadd diida ah ee doonayo inay dhibaato ka geestan guddaha Muqdisho,ciidamada ammaanka waxaa laga liyey heegan sare,waxana ay ka hortagi doonan cid kasta oo isku deyda inay dhibaato ka geesato guddaha dalka…”"‘”ayuu yiri Gen. Maxamed Yuusuf Cumar afhayeenka hay’adaha nabadgelyada iyo amniga qaranka .
Dhinaca kale Gen. Maxamed Yuusuf Cumar waxaa uu sheegey in ciidamadu ay sameeyen howlgallo qaraxyadda kadib,waxana uu sheegey in howlgalladooda ay kusoo qab qabteen gaadiid, hub suumanka qarxa iyo maxaabiis.
Ugu danbeenti waxaa uu sheegey Gen. Maxamed in ruuxa ku dhintey qaraxyadii dhacay uu ahaa mid ka mid ah xubnihii qaraxyada tuurayey.
Xoogga al-Shabaab ee ka dagaalama koonfurta Soomaaliya ma ahaa oo kaliya tan iyo markii laga sarey Muqdisho inay ka geestan qaraxyo,balse muddoyinkii danbe waxaa soo labanayey qaraxyo iyo weeraro is xig xiga oo ay Muqdisho ka geysanayeen.
_____________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
