Muqdish{RBC Radio} Wararkii ugu dambeyey ee warbaahinta Raxanreeb ay ka heleyso goobta shidaal ee galabta dabku ka kacay oo ku taalo agagaarka daarta dheer ee Seebiyaano ayaa waxa ay sheegayaan in uu dabku geeystay qasaaro dhimasho iyo daawacba leh.
dabka shidaal ee galabta ka kacay agagaarka Seebiyaano ee degmada Hodan ayaa qof goobta joogay markii uu dabku ka bilowday xarunta shidaalka lagu kaydiyo ee suuqa seebiyaano waxa uu warbaahinta u sheegay in dhimashada inta uu goobta ku arkay ay uu ahaa 1 ruun oo ku nafwaayay iyo 6 kale oo ku dhaawacantay, iyadoon la ogeyn sababta dhalisay dabka galabta ka kacay goobta lagu kaydiyo shidaalka ee ku taalo degmada Hodan.
Dadkii ku dhaawacmay gobta shidaal ee uu dabku ka kacay ayaa loo qaaday cisbitaalada waaweyn ee Muqdisho waxaana illaa hadda aan la ogaan karin khasaaraha hantiyeed ee ku basbeeshay goobta uu galabta dabku ka kacay.
Markii uu dabku qabsaday goobtan shidaal ee ku taalo agagaarka Seebiyaano ayaa waxaa gurmad u fidiyay gaadiidka dab demiska ee ay leeyihiin ciidamada AMISOM, waxaana sidoo kale dab demiska ka qayb qaadanayay baabuur ay leedahay shirkadda Hormuud iyo gaadiid ay leedaha dowladda hoose ee muqdisho.
Dabkii ka kacay goobta shidaal ee ku taalo Seebiyaano ayaa waxaa lagu guulaystay galabta gabaldhicii in la demiyo sida ay noo xaqiijiyeen goob joogayaal ku sugan degmada Hodan.
RBC Radio
Xafiiska Muqdisho
Use Facebook to Comment on this Post
