Muqdisho(RBC Radio) All ha u naxariistee Marxuum wariye Max’ed Cali Nuxurkey ayaa maanta lagu aasay magaalada Muqdisho ee caasimada Soomaaliya wariyaha oo u dhintay dhaawac halis ah oo kasoo gaaray qaraxii shalay ka dhacay magaalada Muqdisho ayaa waxaa aaskiisa ka qayb galay masuuliyiin ka socday dowlada Soomaaliya,Bahda Saaxafada iyo ehelada wariye Max’ed Cali Nuxurkeey .
Meydka Marxuum Max’ed Cali Nuxurkeey ayaa lagu aasay qabuuro kuyaala dhabarka danbe ee Cisbitaalka Madiina ee magaalada Muqdisho,goobta uu aasku ka dhacay ayaa waxaa ku sugnaa wariyaal fara badan oo ka qayb galay aaska marxuumka waxayna dhamaantood si isku mid ah ugu tacsiyeeyeen eheladii,qaraabadii iyo saaxiibaduu uu ka baxay waxayna isagana alle uga baryeen inuu siiyo naxariistiisa.
Xoghayaha ururka saxafiyiinta qaranka Soomaaliyeed ee NUSOJ Max’ed Ibraahim Paakistaan oo shir jaraa’id ku qabtay goobta uu ka dhacayey aaska wariye Max’ed Cali Nuxurkey wuxuuna si kulul u cambaareeyey weerarka arxan darrada ahaa ee ay ku dhinteen dadka badan ee uu wariyuhu ka midka ahaa isagoona sheegay in bahda saxaafada ay si weyn uga xuntahay geerida Wariye Nuxurkey oo ka tirsnaa bahda saxaafada Soomaaliyeed.
Max’ed Ibraahim Paakistaan ayaa tacsi u diray ehelada wariye Max’ed Cali Nuxurkeey iyo dhamaan shacabkuu uu u adeegayey,wariyaha ayaa kamid ahaa dad fara badan oo ku nafwaayey weerar arxan darro ah oo shalay lagu gumaaday shacab bada oo Soomaaliyeed.
RBC Radio
Xafiiska Wararka Muqdisho
Use Facebook to Comment on this Post
