Masuuliyinta kulanka qaadet
Nairobi[RBC Radio]Madaxweynaha dowladda Puntland Dr.Cabdirixmaan Maxamed Maxamuud oo wali kusugan magaaladda Nairobi ee xarunta dalka Kenya ayaa kulan ballaaran la qaatey xubno uu hoggaaminaye Axmed Maxamed Islaam (Axmed Madoobe)oo ah hoggaamiyaha maamulka KMG-ah ee Jubba.
Madaxweyne Faroole iyo Axmed Madoobe waxaa kulankooda ku waheliyey masuuliyin labada dhinac ah kuwaaso qeyb ka ahaa shirka ay wada qaaten labada masuul.
Kulanka Puntland iyo Jubba ayaa intuu socdey waxaa looga hadley arrimo dhoor ah oo ay ka mid yihiin sidii loo xoojin lahaa xiriirka wada shaqeened ee ka dhaxeeya dowladda Puntland iyo maamulka Jubba.
Hoggaamiyaha maamulka Jubba Axmed Madoobe aayaa ugu horeen madaxweyne Faroole uga warbixiyey xaaladda ka jirta gobollada maamulka uu ka arrimiyo ee Jubbada Hoose,Jubbada Dhexe iyo Gedo,waxana uu Axmed Madoobe sheegey in ay dagan yihiin xaaladda halka ka jira,walow ay jiran baahiyo dhanka bini’aadanimada ah oo ka jirta inta badan gobollada.
Madaxweyne Cabdirixmaan ayaa isna dhiniciisa hadal ka jeediyey kulanka inta uu socdey waxaana uu sheegey in marwalba Puntland ay taageersantahay maamulka Jubba,waxana uu inta ku darey madaxweyne Faroole in loo bahan yahay in la xoojiyo wadashaqaynta Puntland iyo Jubba.
Kulanka madaxweyne Faroole iyo Axmed Madoobe ayaa qab-soomay maalinkii shaley waxana labada dhinac ay wada gaaren is-afgarad buuxo oo wada shaqayneed.
Si kasta oo ay noqotaba kulanka madaxweyne Faroole uu la qaatey Axmed Madoobe waxaa uu qeyb ka yahay kulamo uu magaaladda Nairobi kula qaadanayey masuuliyin kala gadisan iyo ururada beesha caalamka ee fadhigoodu yahay Nairobi.
______________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
