Siyaasi Maxamed Cali Yuusuf (Gaagaab)
Gaalkacyo[RBC Radio]Waxaa maantey shir-jaraa’id ku qabtay magaaladda Gaalkacyo siyaasi Maxamed Cali Yuusuf (Gaagaab)oo xilal kala gadisan kasoo qabtey xukuumadihii hore ee Puntland.
Heshiiska DFS iyo maamulka Jubba ee Addis Ababa
Madaxweyne ku-xigeenkii hore ee Puntland marna soo noqdey wasiirkii maaliyadda ayaa shir saxaafadeedkisa waxaa uu kaga hadley arrimo dhor ah oo ay ka mid yihiin heshiiskii dhawan magaaladda Addis Ababa ku dhexmarey dowladda faderaalka Soomaaliya iyo maamulkii horey loo oran jirey Jubbaland oo xiligaan layirahdo Jubba.
Dr.Gaagaab ayaa hadalkisa ku bilaabey sida uu u arko heshiiskii ay wada galeen DFS iyo maamulka Jubba,waxana uu sheegey in shaqsiyaan uu shirkaasi soo dhawenayo uuna ahaa mid lugu xaliyey khilaaf u muqdey inuu ahaa mid ay ka dhex faa’iideysanayeen dad badan oo xumaan doonayey.
Heshiiskii DFS iyo maamulka Jubba
….”"”Heshiiskii lugu soo gaba gabeeyey magaaladda Addis ee dhex marey dowladda faderaalka iyo maamulka Jubba anigu shaqsiyan waan soo dhaweenaya,waxana uu arka in lugu soo gaba gabeeyey murana badan oo waqti soo qaatey,dad badan oo xuman doonayana ay ka faa’iideysanayeen,anigu qof ahanba siyaasada waxan arkaa wixii la isku qabto in laga wada-hadallo oo si maslaxada dalka iyo dadka ku jirto looga wada-hadallo lana isla gaaro go’aan u danaynaya umudda Soomaaliyed mel kastaba ha joogane,go’aankaasi dad badan oo ciladeynaya wan arkey lakin anigu waxan isleyahay wixii dhaliil ah ee ku jira inay saxanayan dadka wada gaarey…”"”ayuu yiri Gaagaab.
Waxaa kalo uu sheegey Gaagaab in shirarka lugu ballamey inay ka dhacan magaaloyinka Muqdisho iyo Kismaayo inay yihiin kuwo dhaxal gal ah soona af-jaraya muran badan oo jirey.
Khilafka Puntland iyo Dowladda faderaalka Soomaaliya
Dhinaca kale Maxamed Cali Yuusuf (Gaagaab) waxaa uu ka hadley is-fahan waaga dhexyaala Puntland iyo dowladda faderaalka,waxana uu arrinta ka sheegey inay muddan tahay in lugu dhameeyo is-arag iyo wada-hadall.
…”"”Moow-qifkeyga waxaa weye in lawada-hadall,siyaasadu kuma jirto wanaageda in idaacaddaha laga hadlo,dadku waa isku hal,dalkuna waa hal dal,dowladda Puntland wax yaalaha ay dhib sanayso sida qoddobaa ay maamulku ka hadlen ee dastuurka ku jira,anigu waxan qaba in intii la isku yimaado dowladda faderaalka iyo Puntland laga wada-hadllo maslaxadna la isla gaaro,wanagna kuma yimaado muran siyaasaded oo dalka ka jira,waxan qaba in laga wada-hadallo la isku yimaado ciidi wax tabaneysa ay sheegto,mana haboona in laga hadllo idaacaddaha iyo Tv-yadda waxana arrinta ka faa’iideysanaya cid kasta oo xumanta jecel.balse waxan ku talinaya in la iska jaahil bixiyo waxa la iska tabanayo taasna waxaa ay ku iman karta in la is horyimaado…”"”ayuu yiri siyaasi Gaagaab.
Siyaasi Gaagaab waxaa uu ka mid yahay siyaasiyinta sida weyn dalka looga yaqaano kana mid ah siyaasiyinta ugu cansan deegaanada Puntland maadama uu xilal kala gadisan horey usoo qabtey.
Si kastaba ha ahaate waxaa uu hadalka Gaagaab uu imaanaya kadib markii dhawaan madaxweynaha Soomaaliya Xassan Sheekh u sheegey inay wada-hadall lagali doonan Puntland si loo dhameeyo wax yaalaha ay Puntland ka tabaneyso DFS.
Hoos ka daawo muqaal ay idin kaga diyaarisey Raxanreeb.com shirka jaraa’id ee Gaagaab
___________-
Iimaan Maxamed Jaamac
Deegaan1994@gmail.com
RBC Radio
Xafiiska Gaalkacyo
Use Facebook to Comment on this Post
