Ilmo laga talaalayo cudurka dabeysha
Garoowe[RBC Radio]War kasoo baxay masuuliyin katirsan wasaaradda caafimaadka dowladda Puntland ayaa si cadd lugu sheegey in muddo lix-sano kadib deegaanada Puntland lugu arkey bukaano uu soo ritey cudurka dabeysha.
Wasaaraddu waxaa ay sheegtey in baaritaan lagu sameeyey cunug yar oo ku nool magaaladda dakedda ku taal ee Boosaaso laga heley xanuunnka dabeysha,taaso ka dhigeysa inay sura gal tahay in deegaano dhor ah oo ka tirsan Puntland uu ku jiro xanuunnkan.
Agaasimaha daryeelka caafimaadka ee wasaarada caafimaadka ee Puntland Dr. Cabdirisaaq Abshir Xirsi (Garweyne) oo maantey lahadlayey warbaahinta ayaa waxaa uu xaqiijiyey kiis muujinaya in cadurka dabeysha uu ka jiro deegaanada Puntland.
Dr. Cabdirisaaq Abshir Xirsi (Garweyne) waxaa uu si gara ah u tilmaamey in la helay kiis dabayl ah oo Boosaaso ka dilaacay, kadib baaris la sameeyey.
Waxaa la sheegey in kiis kaan uu yimid kadib markii laga shakiyey,taaso kentey in baaritan dalka dibaddisa ah lugu sameeyo gar ahaana magaaladda Nairobi ee xarunta dalka Kenya,halkaaso laga soo xaqiijiyey cudurka dabeysha.
Sidoo kale Dr.Garweyne waxaa uu hadalkiisa ku soo qadey inay jirto shaki kale oo ku aadan in uu xanuunnku sidoo kale ka dilaacey degmada Boocame gobolka Sool balse baaristiisa aan weli la xaqiijin.
Dr.Garweyne waxaa uu sheegey in wasaaradda caafimaadka Puntland ay dadaal ugali doonto sidii looga hortagi laha inuusan xanuunnkan ku baahin deegaanada kale ee Puntland,waxana uu intaa ku darey in arrinta kaliya ee looga hortagi karo ay tahay dhibcaha talalka oo la qaato.
Ugu danbeenti Dr.Garweyne waxaa uu hadalkiisa ku sheegey in dhawaan ay bilaabi doonan ol ole looga hortagayo inusan xanuunnku ku baahin gobollada kale ee Puntland.
___________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
