Banaan-baxyo maantey ka dhacay Baydhabo dhacay
Baydhabo[RBC Radio]Magaaladda Baydhabo ee xaruunta gobolka Baay waxaa goor dhawed soo gaba gaboobey banaan-baxyo looga soo horjeedey heshiis ay dhawaan dowladda faderaalka Soomaaliya la gashey maamulka Jubba ee u hoggaamiye Axmed Madoobe.
Dibad baxyadaan waxaa soo abaabuley qaar kamid ah malaaqyada gobalka Baay iyo Shacabka Degmada Baydhabo,waxana ay ku gafwareegayen goobaha muhiimka ah ee Baydhabo iyagoona ku dhawaaqayey erayo ay uga soo horjeedan dowladda faderaalka Soomaaliyed.
Ujeedada banaan-baxyo oo saakay bilowdey ayaa ahaa in waxgaradka iyo shacabka ku dhaqan Baydhabo ay kasoo hor-jeedan heshiiskii toddobaadkii hore ka dhacay magaalada Adi-Ababa ee xaruunta dalka Ethopia.
Waxgaradka iyo Malaaqyada gobolka Baay ee banaan-baxyo dhigayey ayaa sheegay in ay xiriirka u jareen dowladda Soomaaliya, waxayna intaas ku dareen in uusan masuul ka tirsan dowladda Soomaaliya iman karin gobollada Bay iyo Bakool.
Mid ka mid ah malaaqyadii lahaa qaban qaabada isu soo baxaan oo lugu magacaabo Cali shiine afhayeena uu ahaa guddi kasoo hor jestey heshiiska DFS iyo maamulka Jubba oo Baydhabo ku shiray ayaa si cadd waxaa uu u sheegey inay ka soo hor jeedan is-fahankii laga gaarey khilaafki dhexyaaley maamulka Jubba ee horey loo oran jirey Jubbaland iyo dowladda faderaalka Soomaaliya.
…”””Waxan u aragna maamulka Jubba ee dowladda ay la heshiisey inuu yahay mid ismagacaabey dowladduna ay la saaxibtey,anugu haddan nahay gobollada Baay iyo Bakool ma aqbali doono talaabada ay dowladda qadey,waxana u sheegena in masuul katirsan usan imaan karin gobollada…”"‘ayu yiri malaaq Cali shiine .
Sidoo kale malaaq Cali shiine waxaa uu hadakiisa kusoo qadey inay ka tashan doonan aayahooda ayna qaban donan shir loo qabanayo waxgaradka gobollada koonfurta dalka,waxana uu ugu baaqey waxgaradka gobollada inay ka soo qeyb galan shirka.
Sidoo kale odayaasha beelaha Digil Iyo Mirifle ayaa ku doodaya in qeyb kamid ah dhulka ay ka dagaan Jubbooyinka loo gacan geliyay maamulka Jubba waa sida ay hadalka u dhigeene,taasina ay ku tilmaameen mid aysan aqbaleyn.
Si kasto ay noqotaba shirkii toddobad ka hor kusoo dhamaadey magaaladda Addis Ababa ee lugu soo af-meerey khilaf dhexyaaley maamulka Jubbaland iyo DFS ayaa dhinacyadii ka hadley waxaa ay usoo dhaweeyen si isku mid ah,waxana shirka lugu tilmaamey inuu ahaa mid muhiimad weyn ugu fadhiyey shacabka Soomaaliyed.
___________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
