Muqdisho(RBC Radio) Odayaal iyo Culimo udiin maanta ku shiray magaalada Muqdisho ayaa kulankooda diirada ku saaray sidii shacabka magaalada Muqdisho loo abaabulihi lahaa si ay uga qeyb qaataan adkeynta amniga magaalada Muqdisho ee caasimada Soomaaliya Max’ed Xasan Xaad oo ka mid ahaa waxgaradkii maanta ka qeybgalay kulanka ayaa ku sheegay ujeedka kulanka maanta uu ku qotomay sidii ay bulshada gobolka Banaadir gacan uga geysan lahaayeen xasilinta magaalada.
Xaad ayaa sheegay in ahmiyada kulanku uu ahaa sidii ay shacabka magaalada Muqdisho iyo laamaha amaanka dowlada Soomaaliya ay iskaga kaashan lahaayeen sugida amniga Caasimada Muqdisho wuxuuna hoosta ka xariiqay in iskaashiga shacabka iyo ciidamada ay door muhiim ah ka qaadan karto xasilinta nabadgalyada Magaalada.
Max’ed Xasan Xaad ayaa tilmaamay in sugida amniga magaalada Muqdisho oo ah uu fure u yahay amaanka dhamaan nabadgalyada gobolada kale ee dalka wuxuuna tibaaxay iney habacsanaan ka jirto dhanka ciidamada amaanka dowlada Soomaaliya oo uu sheegay ineysan sidii looga fadhiyey u xaqiijin amniga Muqdisho.
Waxgaradka shirka ka qeybgalay ayaa isku raacay in la qabto kulan midkan ka ballaaran oo ay ka qeybgalaan masuuliyiinta gobolka Banaadir,wasiirada xukuumada iyo saraakiisha ciidamada kaasoo ay waxgaradka Muqdisho iyo dowlada ay kaga arinsadaan sidii loo xaqiinin lahaa sugida amniga caasimada Muqdisho.
RBC Radio
Xafiiska Wararka Muqdisho
Use Facebook to Comment on this Post
