Muqdisho{RBC Radio} Wafdi balaaran oo uu hogaaminayay Wasiiru dowlaha madaxtooyada Soomaaliya Faarax Sheekh C/qaadir ayaa caawa ka soo degey garoonka diyaaradaha ee magaalada Muqdisho,masuulka ayaa ka soo duulay caasimadda dalka itoobiya ee Addis Ababa, waxaana halkaas ku soo dhaweeyey masuuliyiin ka tirsan laga gole ee dowladda Soomaaliya
Faarax C/qaadir wasiiru dowlaha madaxtooyada Dalka Soomaaliya ayaa markuu ka soo degey garoonka diyaaradaha ee magaalada Muqdisho warbaahinta hadal ka siiyay heshiiskii ay ku kala sexeexdeen magaalada Addis Ababa ee caasimada wadanka Itoobiya dowladda Soomaaliya iyo maamulka Jubbaland,isaga oo ku tilmaamay heshiiskaas in uu yahay mid wax tar u leh shacabka Soomaaliyeed.
Wasiiru dowlaha madaxtooyada ayaa sheegay in ay san jirin beelo hurinaya dagaalka Jubbooyinka ama ay colaadi ka dhaxayso, wuxuuna tilmaamay in beelaha wada dega halkaas ay yihiin shacab walaalo ah oo aan kala maarmi karin.
Wasiiru dowlaha madaxtooyada Soomaaliya Faarax C/qaadir ayaa ugu dambayn tilmaamay in mar dhow ay shirar daba jooga kan Adis Ababa lagu kala qaban doono magaalooyinka Muqdisho iyo Kismaayoo kuwaas oo lagu dardargelinayo wadahadalada u dhexeeya Dowladda Soomaaliya iyo maamulka Jubba lann.
RBC Radio
Xafiiska Muqdisho
Use Facebook to Comment on this Post
