Suldaan siciid Cismaan Cali
Buuhoodle[RBC Radio]Waxaa maantey markii ugu horeysey ay shaaciyen si cadd Issimada gobollada Sool, Cayn iyo Sanaag inaysan saxiixi doonin xilibaanada cusub ee Puntland kuwaaso xiligaan qaban qabada lugu soo magacaabayo ay ka socoto gobollada Puntland.
Issimada gobollada waxay sheegen inaysan qeyb ka noqon doonin saxiixa keenista xilibaanada baarlamanka cusub ee Puntland,kuwaaso ka yimaada gobollada.
Shir saxaafadeed uu maantey magaaladda Buuhoodle ku qabtay Suldaan siciid Cismaan Cali oo ka mid ah waxgaradka gobolka Cayn ayaa waxaa uu ku caddeyey inay go’aan sadeen issimada gobollada inaysan saxiixin xildhibaanada la doonayey inay ka yimaadan gobollada Sool, Cayn iyo Sanaag ayna ka mid noqdaan xubnaha cusub ee baarlamaanka Puntland.
Suldaan siciid Cismaan Cali waxaa uu sheegey in issimada iyo waxgaradka gobollada inay go’aan sadeen inan xubno lugu darsan siyaasada iyo baarlamaanka Puntland.
Suldaan Siciid wuxuu sheegay in dhamaan waxgaradka beelaha degan gobolladaasi ay taageersan yihiin maamulka Khaatumo,ayna doonayan inaysan ku lugdarsan maamulada dariska la ah ee Puntland iyo Soomaaliland.
…”"”Issimada iyo waxgaradka gobollada Sool, Cayn iyo Sanaag waxay go’aansadeen inaysan saxiixin xubnaha doonaya inay ka mid noqdaan baarlamaanka cusub ee Puntland,waxana kale oo an isla qaadaney inay beeshu ku midowdo maamulka Khaatumo,iyagoona cid u dirsan doonin Puntland oo haatan la diyaarinayo xilibaanadii,waxana ay doonayan inaysan ka mid noqon beesha maamuladda Puntland iyo Soomaaliland…”"”ayuu yiri Suldaan siciid Cismaan Cali.
Halkaan ka dhageyso shirka jaraa’id ee Suldaan Siciid Cismaan Cali
Sidoo kale waxaa uu shirkiisa jaraa’id ku sheegey suldaanku inay jiraan qaar ka mid ah issimada oo saxiixay in xilibaano ka tirsan kuwa deegaanka ay ku biiraan Puntland,waxana uu tilmaamey inan loo bahneen in laga baxo wixii lagu heshiiyey, iyo dhismihii khaatumo,lagana madax banaanado Puntland iyo Soomaaliland.
Xubno ka mid ah Issimada gobollada Sool, Cayn iyo Sanaag
Suldaan Siciid waxaa uu ugu danbeenti sheegey in isagu uu si gaar ah ugu hadlayo afka beeshisa ay go’aamiyen inay taageeran maamulka Khaatum iyagoon ka mid noqon siyaasadda Puntland iyo Soomaaliland.
Hadalkaan ka soo yeerey Suldaan siciid Cismaan Cali ayaa kusoo beegmaya xili gobollada Puntland laga daremayo qaban qaabada soo xulida baarlamaanka cusub ee ka mid noqonaya kuwa Puntland,balse hadalkaan waxaa uu buriyey riyadii ay qabeen xubno siyaasiyin ah kuwaaso dhaq dhaqaaq ku aadan inay helaan saxiisa Issimada gobollada waayey.
Waxaa xusid mudan inay jiraan siyaasiyin dhor ah kuwaaso ka soo jeeda gobollada Sool, Cayn iyo Sanaag inay xilil muhiim ah ka hayaan maamulada Puntland iyo Soomaaliland,inkasto xiligaan uu wax u dhimayo siyaasiyinta hadalka kasoo baxay issimada gobollada ay ka soo jeedan.
___________
Iimaan Maxamed Jaamac
RBC Radio
Deegaan1994@gmail.com
Xafiiska Gaalkacyo
Use Facebook to Comment on this Post
