Muqdisho{RBC Radio}Wasaarada Ganacsiga iyo Warshadaha xukuumada Federaalka Soomaaliya ayaa ku dhawaaqay in uu u furanyahay maalgashiga dalka dhammaan Ganacsatada Soomaaliyeed ee jecel in ay dalka maalgashadaa,waxayna wasaaradu sheegtay iney kala arinsan doonto ganacsatada Soomaaliyeed sidii ay dalkooda u maalgashan lahaayeen.
Waxaa arintaas tafaasiil ka siiyay warbaahinta La taliyaha Wasiirka Wasaarada Ganacsiga iyo Warshadaha Axmed Maxamed Isaaq,isaga oo tilmaamay in ay ku dadaali doonaan sidii ay ugala tashan lahaayeen Ganacasatada Sooomaaliyeed habka loo wajihi doono Maalgashiga Shisheeye,wuxuuna sheegay in ay taasi horseedi doonto horumar ku yimaado ganacsiga Dalka Soomaaliya.
Lataliyaha Wasiirka Wasaarada Ganacsiga iyo Warshadaha ayaa xusay in uu fududayn doono sharcigan sidii ay ganacsatada Soomaaliyeed xiriir ula samayn lahaayeen Shirkadaha Shisheeye ee danaynaya in ay maalgasi ku sameeystaan dalk.
Lataliyaha Wasiirka Wasaarada Ganacsiga iyo Warshadah ayaa dhanka kale sheegay in ay socodaan qorshayaal loogu talagalay dhiiri gelinta Ganacsatada Soomaaliyeed sidii ay dib ugu dhisi lahaayeen Warshadihii ay lahayd Soomaaliya.
warkan kasoo baxay Lataliyaha Wasiirka Wasaarada Ganacsiga iyo Warshadaha ayaa ku soo beegmaya xilli ay ganacsato badan oo Soomaaliyeed aad udanaynayeen maalgashiga dalka Soomaaliya
RBC Raio
Xafiiska Muqdisho
Use Facebook to Comment on this Post
