Qardho[RBC Radio] Waxaa Magaalada Qardho lagu soo gabagabeeyey Tartan kubadda Cagta oo loo qabtay ardayda wax ka barata Dugsiyada Sare ee ku yaalo Magalada Qardho oo kala ah Dugsiga Sare ee Al-azhar,Shiikh Osman,Muntada,iyo Imaamu Nawawi.
Waxaana dhexmaray Ciyaaro soo jiitay daawadayashii ku sugnaa Garoonka Hogamo Stadium Qardho,waxaana finalkii u soo baxay Labada Dugsi sare Imaamu nawawi iyo Muntada,waxa ay soo bandhigene Ciyaar farsameysay,waxa ayna ku soo dhamaatay Barbardhac ciyaartii finaalka ay isugu soo baxeen Dugsiyada Sare Nawawi iyo Muntada.
Waxaana ugu danbeyntii kula baxeen Rigoorayaal iyadoo guusha ay raacday Kooxdii ka socotay Dugsiga Sare ee Muntada.
Ciyaarahaan ayaa waxaa soo qaban qaabiyey Ardayda wax ka barata jaamacaddaha Masar oo kaa shanaya Raabidada Ka qalinkajibaasha Jaamacadda Al-azhar ee Dalka Masar,waxaana sidookale taageeray Maamulka degmada.
Shuceyb C/rixiin Yusuf oo ka mid ah ardayda wax ka barata Jaamacaddaha Dalka Masar ayaa ugu horeyntii ka hadalay Ciyaaraha kubadda cagta ee loo qabtay dugsiyada sare eek u yaalo Magalada Qardho.
Waxa uu sheegay in ay ugu talagaleen Ciyaarahaani dhiiri galinta ardayda iyo isdhexgalka Bulshada,waxa uuna qeybka yahay Barnaamijyo kala duwan oo ay ugu talagaleen in ay u qabtaan arday wax kabarata magalada Qardho.
Dhalinyarada magalada Qardho ayaa soo dhaweeyey koobkaan ay soo agaasimeen ardayda wax ka barata dalka masar ee ka soo jeeda magalada Qardho.
Koobkaan ayaa waxa uu ku soo aadayaa xilli dhawaan la dayactiray garoonka kubadda cagta Hogamo,waxaana lagu qabtay ciyaaro kala duwan.
__________________________
RBC Radio
Use Facebook to Comment on this Post
