SH/Hoose(RBC Radio) Wararka naga soo gaaraya deegaanka Bariire ee gobolka shabeelaha hoose ayaa ku waramaya in Kolonyo ka tirsan gaadiidka ciidamada nabad ilaalinta Midowga Afrika ee AMISOM qaraxyo Mataano ah lagula eegtay deegaankaas xilli ay marayeen wadada Laamiga ah.
Qaraxa Koowaad ayaa la maqlay xiliga ay goobta marayeen gaadiidka AMISOM waxaana la tilmaamay in qaraxaasi oo ahaa Miinada dhulka hoostiisa lagu aaso uu haleelay gaari ka mid ah Kolonyadii ciidanka AMISOM,dadka deegaanka ayaa ku waramaya in gaariga ay Miinadu la kacday inuu nuuciisu ahaa gaadiidka qafilan ee Towga .
Waxaana la tilmaamay in meesha meel inyar u jirta in hadane daqiiqado yar kadib uu ciidanka AMISOM ku qabsaday qarax labaad,ma cadda khasaaraha dhabta ah ee ka dhashay qaraxyada labada ah ee lala beegsaday ciidanka AMISOM,waxaana yar tafaasiisha laga heli karo khasaaraha rasmiga ah ee gaaray cidanka AMISOM.
Alshabaab ayaa ku daabacay bogaga Internetka ee taageera iney iyagu masuul ka ahaayeen qaraxyadaasi Miino ee lagu weeraray Kolonyada gaadiidka AMISOM,waxayna tilmaaneen iney khasaaro lixaad leh gaarsiiyeen ciidanka AMISOM walow aysan cadayn inta uu la eg yahay khasaaraha ay gaarsiiyeen AMISOM.
Taliska nabad ilaalinta Midowga Afrika ayaan wax war ah kasoo saarin sheegashada alshabaab ee la xiriirta iney khasaaro fara badan qaraxyadaas ku gaarsiiyeen ciidanka AMISOM.
RBC Radio
Xafiiska Wararka Muqdisho
Use Facebook to Comment on this Post
