Magaaladda Gaalkacyo, xarunta gobolka Mudug
Gaalkacyo [RBC Radio] Magaaladda Gaalkacyo ee xarunta gobolka Mudug waxaa maantey kasocda howlgallo ay wadaan ciidamada amniga ee Puntland, howlgalladaan oo la xiriira baadi goobka ciidi ka danbeyse falal amniga xumo ah oo magaaladda ka dhacay.
Howlgalkaan ayaa yimid ka dib markii habeenkii xaley ay magaaladda ka dhaceen dhimashada illaa 3-ruux, kuwaaso siyaabo kala gadisan u geeryoodey guddaha iyo daafaha magaaladda.
Laba qof oo rayid ahaa ayaa xaley lagu dilay duleedka bari ee magaaladda Gaalkacyo, kuwaaso la sheegey inay dilka u geesteen kooxo hubeeysan oo weerar kusoo qaadey goob ay ku sugnaayeen labada nin ee weerarkaasi ku geeryoodey.
Labada nin ee kooxaha hubeysan ay xaley dileen ayaa ahaa xoolo dhaqato kuwaaso goobta weerarka ay dableydu kusoo qaadey la joogey geel, waxaana ay ahaayeen raggani kuwo ka ganacsada caana geelo una ibkeena guddaha magaaladda Gaalkacyo.
Kooxda dilka geesatey ayaa la sheegey inay ubaxsadeen koonfurta magaaladda Gaalkacyo halkaaso oo ay ka arrimiso maamulka Galmudug, Dilkaan ayaa la sheegay in uu salka ku hayo dilal la xariiro aanno qabiil, ,ma jiro wax war ah oo ka soo baxay maamulada Puntland iyo Galmudug oo la xariiro dilalka dib uga soo cusboonaaday Gaalkacyo.
Sidoo kale xaley ayey ahyeed markii ruux isku soo xirey walxaha qarxa uu ku qarxey agagaarka dugsiga Ummada ee ku yaala xaafada Garsoor, qaraxaasi oo sababey dhaawaca ruux kale oo rayid ah.
Arrintaan ayaa la sheegey inay markiiba dhalisey inay ciidamada ammaanka Puntland ay howlgallo la xiriira falalka ka bilowdo guddaha magaaladda iyo daa faheeda.
Taliyaha qeybta booliska gobolka Mudug Jaamac Maxamed Axmed
Taliyaha qeybta booliska gobolka Mudug Jaamac Maxamed Axmed oo goor dhawed la hadley Raxanreeb.com ayaa sheegey inay wali wadaan howlgalada ayna baadi gobayaan ciidi ka danbeysey falalka magaaladda ka dhacay,mana usan bixin faah faahin intaa dher in kasto uu sheegey inay xiligaa ay soo gaba gabeeyan howlgalkaan ay ka warbixin doonan.
…”"”Ciidamada wali waxay ku howlanyihiin howlgalladii ay xaley bilaaben waxana ay baadi goobayan inay gacanta ku soo dhigaan dhamanba ciidi ka danbeysey falalkii ka dhacay magaaladda xaley waxana rajo ka qabna inan ku guulesano,balse markii anuu soo dhameeno howlgalkeena ayan idin kaga warbixin doono..”"”ayuu yiri taliyu xili uu Raxanreeb.com lahadlayey.
Tan iyo markii la guda galey bisha barakeesan ee ramadaan guddaha magaaladda Gaalkacyo waxa ka dhacayey dilal kala gadisan oo siyabo kala gadisan uga dhacay,inkasto ciidamada amniga ay sheegayan inay ku dadaalayan inay ka hortagaan ciidi falalkaasi qorshenaysa.
Ma jirtoo illaa iyo hadda cid loo so qabtey dilalka kala gadisan ee ka dhacaya guddaha magaaladda Gaalkacyo iyo daafaheda oo ay ku dhimanayaan dad rayid ubadan.
Iimaan Maxamed Jaamac
RBC Radio
Xafiiska Gaalkacyo
Use Facebook to Comment on this Post
