Garoowe (RBC RADIO) Wasiiru Dowlaha Maamul-Wanaaga Puntland Maxamed faarax Ciise Gaashaan ahna Gudoomiyaha Gudiga loo xilsaaray Diyaarinta Xuska 1da Augost oo ah Markii Puntland la aas-aasay sanadii 1998 ayaa saxaafada gudaha u sheegay in Maamulku uu diyaariyay xaflad balaaran oo lagu xusayo munaasabadaa kana dhici doonta xarunta Madaxtooyada balse aysan jiri doonin sidii hore loogu aqoon jiray ee ahayd in loo qabto isku soo bax balaaran oo ay ka qayb galaan Ciidanka kala duwan ee puntland, shaqaalaha rayidka iyo kuwa Dowlada, xaafadaha Magaalada, madashana ay goob joog ahaan jireen dhamaan madaxda dowlada iyo saraakiisha ciidanka.
Wasiirka ayaan sheegin sababta loo hakiyay in la sameeyo isu soo bax balaaran wuxuuse ku celcelshay in Munaasabadan ay ka mug-weynaan doonto kuwii hore maadaama puntland ay qaangaartay oo 15sano jirsatay siduu hadalka u dhigay qaban-qaabadana ay ka qayb galayaan dhinacyada kala duwan ee bulshada,wasiirku wuxuu sheegay in wax walba ay u diyaarsan yihiin gudiga waajibaadkoodiina ay guteen wax qabadkoodana laga dareemi doono madasha lagu qabanayo xaflada.
1da Augost oo maalin taariikhi u ah Shacabka Puntland ayaa munaasabadihii hore waxaa la sameyn jiray bandhigyo iyo isu soo baxyo ballaaran oo dadku jecleystaan iyadoo sanadkaan hidi-diilahaasi aysan muuqan ayaa hadana xukuumadu waxay shaacisay in ay qaban doonto xaflad kuwii hore ka duwan oo dadku ay la maqsuudi doonaan sida hadalka ay u dhigeen.
RBC RADIO.
Use Facebook to Comment on this Post
