Madaxweyne Faroole Ku qiimee wax qabadkiisa ku dhaleecee wax qabad la’aantiisa
Said Qaas
qaas20@hotmail.com
Luulyo 16 2013
Madxaweyne Cabdiraxmaan shiikh Faroole wixii u qabsoomay iyo wixii uu u qabsomi waayey isaga iyo Golihiisa Xukuumada :
Waxaa u qabsoomay isaga iyo xukuumadiisa:
1-Hir galinta Dastuur,calan iyo kal danbeyntii sharciga
2-kor u qaadistii siyaasada Dibada
3-Dhisida ciidamo dhaqan dowladeed leh sida kala danbeyn qalabeysan.
4-Hir galinta Tv&Radio u gaar ah Puntland.
5-Kor u qaadista Tayada waxbrashada iyo Caafimaadka Puntland.
6-Kor u qadista bilicda caasumada Puntland oo ah astaanta Puntland.
7- Hir gilinta dhismayaal iyo wasaarado.
8-Ka qeyb qaadsho shariifnimo ah dib u soo nooleyntii Soomaaliya.
9-taageero xoog leh iyo aasaasidii jubbaland state.
10- Go’aan qaadashii masiiriga ahayd ee bad baadinta Puntland iyo nabad.
Waxaa u qabsoomi waayey isaga iyo xukuumadiisa:
1-soo celinta gobolada maqan
2-Kor u qaadida arimaha dhaqaalaha.(aduunka oo dhan ayaa tani haystaaa)
3-Hir galinta mashruuca Bandar Qaasim Airport
4-Hirgalinta nidaamka axsaabta.
5-Hir galinta aqalka guurtida (aqalka sare) oo ah isimada Puntland (tan waxaa ku fashilmay kuwii isaga ka horeeyey oo dhan) waana qodob ku xusan dastuurka Puntland.
6- Adkeynta midnimada beelaha deegaanka (waxa uu isticmaalay siyaasad iska hor keenid ah)
Madaxweynaha waxa uu qabtay tilaabooyin Taariikhi ah waxa uuna mudanayahay mahad celin iyo Maamuus. Madaxweynaha waxaa soo wajahay caqabado badan iyo talooyinka oo marar badan ka qaloocday.
Waxaan u arkaa nasiib daro dadka u durbaan tumaya cid kastoo ku hawlan ama ka shaqeynaya duminta iyo xasilooni la’aanta Puntand iyagoo damac siyaasadeed wata ama dano dhaqaale.
Madaxweyne kale oo yimaada wax badan soo kordhin mayo ee Waxaa Puntland u baahanatahay is badal dhab ah oo lagu sameeyo maareeyaasha iyo xisaabiyayaasha gobolada oo kuwo qaarkood hayaan xilalkaas 10sano ka badan si loo helo nidaam loona yareeyo musuqmaasuqa.
Ummada Puntland waxaan u rajeynayaa in waqtiga xasaasiga looga gudbo isku tanaasul iyo Midnimo sidii ay caanka ku ahaayeen.
========================================
QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM
Use Facebook to Comment on this Post
