Boosaaso[RBC Radio] Yuusuf xaajji oo xubin ka ahaa guddiga doorashooyinka Puntland ayaa sheegey inuu iska casiley xilkii uu ka hayey guddiga doorashooyinka Puntland.
Dr.Yuusuf Xaajji oo maantey warbaahinta la soo xiriirey ayaa uu sheegey in maanta waxii laga bilaabo usan xubin ka ahyeen guddiga doorashooyinka Puntland.
Sidoo kale waxaa uu sheegey Yuusuf Xaajji in iscasilaadisa ay ka danbeysey kadib markii sida uu sheegey uu u bogi waayey Hannnaanka waxqabad ee guddiga doorashada ee Puntland.
“Waxan idinla soo xirirey inan idiin xaqiijiyo inan iska casiley xubin nimadii an ka hayey guddiga doorashooyinka Puntland taasna waxay ka danbeysey kadib markii an u bogi waayey Hannnaanka waxqabad ee guddiga doorashada ee Puntland“waxaa intaa warbaahinta u sheegey Dr Yuusuf Xaajji oo xubinimadi guddiga iska casiley.
Yuusf Xaajji ayaa muddo kusoo jirey siyaasada Soomaaliya waxana uu soo qabtey xilal kala gadisan,waxaa uu soo noqdey guddoomiyihi ugu horeeyey ee baarlamaanka Puntland sidoo kale kahor waxaa uu xilal kasoo qabtey dowladihii dhaxe ee dalka Soomaaliya waxana uu garey heer illaa uu noqdo danjiraha Soomaaliya u fadhiya wadamada Yurub.
RBC Radio
Use Facebook to Comment on this Post
