Garoowe (RBC Radio) Fiidnimadii Caawa ayaa Magaalada Garoowe waxaa lagu dilay labo nin oo Magacyadooda lagu Soo koobay Cabdirisaaq Bootaan iyo nin kale oo Magaciisa ku kooban (Afduub), sida ay sheegeen dad ku sugan magaalada Garoowe.
Ragan ayaa fadhiyay Meel maqaayad oo ku taalla bartamaha magaalada iyadoo ay toogteen Rag qoryo ku hubeysan sida ay sheegeen dadkii goobta ka agdhawaa, ragan la dilay ayaa waxaa ku jira Nin Sarkaal Ciidan ah sida ay Wararku sheegayaan.
Ciidanka Amaanka ayaa Gaaf wareegaya Xaafadaha kala duwan ee magaalada si ay usoo qabtaan ragii dilkan ka dambeeyey mana jirto wali cid ka hadashay sida ay wax u dheceen marka laga reebo baaritaanada ay wadaan ciidanka, Bartamaha magaalada ayaa laga dareemayaa in kacsanaan yar ay ka jirto .
Inkastoo aan la ogayn sababta dhabta ah ee Ragan loo dilay ayaa hadana dadka qaarkii oo goobtu shilku ka dhacay ka agdhawaa waxay sheegayaan in laga yaabo in ragan mid ka mid ah loo danlahaa oo aano qabiil loo dilay, walow aaney jirin illaa hadda wax war ah oo ka soo baxay masuuliyiinta amaanka Garoowe.
Meydka dadka la toogtay ayaa la geeyey Isbitalka weyn ee Magaalada halkaasi oo ay buuxdhaafiyeen Ehelada labada marxuum.
Wixii warar ah ee kusoo kordha kala soco Raxanreeb.com
Use Facebook to Comment on this Post
