Baydhabo(RBC Radio) Ciidamada dowlada Soomaaliya oo kasoo baxay furimaha dagaalka gobolka Baay ayaa buuxdhaafiyey magaalada Baydhabo ee xarunta gobolkaas boqolaal ka tirsan ciidamada milateriga dowlada Soomaaliya ayaa gaaray gudaha magaalada Baydhabo kuwaas oo kasoo baxay furimaha degmooyinka Qansax-dheere,Berdaale iyo deegaanka Goof-gaduud.
Ciidamadan kasoo gadooday furimihii dagaalka ee ay ku jireen ayaa la sheegayaa iney ka cabanayaan mushaharaadkii oo aan muddo lasiin waxaana ka socda gudaha magaalada Baydhabo dadaalo ay wadaan maamulka gobolka Baay kaasoo lagu doonayo in ciidamadaas dib loogu celiyo goobihii ay kasoo bexeen.
Gudoomiyaha maamulka gobolka Baay Cabdi Aadan Hoosow oo ka hadlay arinta ku saabsan in magaalada Baydhabo ay gaareen ciidamo kasoo gadooday goobihii ay ka hawlgalayeen ee gobolka Baay ayaa gaashaanka u daruuray jiritaanka arinkaas wuxuuna meesha ka saaray in ciidamadu ay gadoodeen.
Cabi Aadan Hoosow ayaa sheegay in ciidamada uu isagu iskugu yeeray si ay uga wada tashadaan xoreynta deegaanada ay hada gacanta ku hayaan ururka alshabaab iyo sidii loo adkeyn lahaa amniga degmooyin ka gobolka ee ay hada gacanta ku hayaan ciidamada dowlada Soomaaliya oo kaashanaya kuwa Amisom oyo kuwa wadanka Itoobiya,balse qaar ka mid ah saraakiisha ciidamada gobolka Baay ayaa xaqiijinaya jiritaanka gadoodka ays ameeyeen ciidamada milateriga Soomaaliya.
RBC Radio
Xafiiska Wararka Muqdisho
Use Facebook to Comment on this Post
