Muqdisho(RBC Radio) Afhayeenka guud ee ururka alshabaab ayaa si kulul u cambaareeyey dilkii shalay magaalada Boosaaso lagula fuliyey 13 ruux oo maamulka Puntland uu sheegay iney ka tirsanaayeen alshabaab isla markaane ay ku lug lahaayeen dil deegaanada Puntland loogu geystay dad bada oo ka tirsanaa masuuliyiinta Puntland,Culima udiin iyo saraakiil kasoo jeeda deegaanada Puntalnd.
Sh. Cali Maxamuud Raage (Cali Dheere) oo la hadlay warbaahinta ku hadasha afka alshabaab ayaa sheegay iney ka tacsiyeynayaan xasuuq uu sheegay in Boosaaso loogu geystay dad aan wax lug ah ku lahayn waxyaabihii loo cuskaday dilkooda,wuxuuna wacad ku maray iney u aar gudayaan dadka lagu toogtay magaalada Boosaaso.
Sh Cali Dheere ayaa ku celceliyey in alshabaab ay ku bixin doonaan wax kasta oo awood ah oo ay leeyihiin sidii ay ugu aar gudi lahaayeen,dadka uu sheegay inuu xasuuqay maamulka Puntalnd oo uu ku tilmaamay inuu u adeego cadowga umada Soomaaliyeed ee muslimka ah sida uu hadalka u yiri.
Afhayeenka alshabaab ayaa shaaca ka qaaday in alshabaab ay beegsan doonaan dhammaan dadkii lugta ku lahaa dilka dadkaasi”cidii amartay,kuwii xukunka riday,kiwii marqaatiga beenta ah ku furay iyo kuwii soo jaajuusay ilaa aan uga aar gudno dhibaatadii ay dadka masaakiinta ah u geysteen ma hurdi doono mana harsan doono” ayuu yiri afhayeenka alshabaab Sh. Cali Dheere.
Cali Maxamuud Raage ayaa baaq u daray shacabka Soomaaliyeed ee ku dhaqan deegaanada Puntland,wuxuuna ka codsaday iney alshabaab gacan ku siiyaan dagaalka ay kawadaan Soomaaliya iyo sidii ay uga taqalusi lahaayeen waxa uu ku tilmaamay maamulada u shaqeeya cadowga Islaamka sida uu hadalka u dhigay.
RBC Radio
Xafiiska Wararka Muqdisho
Use Facebook to Comment on this Post
