Boosaaso[RBC Radio] Waxaa maanta dil toogasho ah lagu fuliyey 13-qof oo la sheegay in ay ka tirsanaayeen Kooxda Al-Shabaab iyagoona ka qeybqaatay dilal kala duwan oo u kamid ahaa dilkii lagu khaarijiyey AUN Dr Axmed Xaaji Cabdirixmaan.
Dilka toogasho oo ka dhacay duleedka magaalada Boosaaso haddana ma jirin Saxaafad ka qeybgashay oo waxa uu ahaa mid qarsoodi ah,waxaana lix kamid ah dhalinyarada Saaka la toogtay loo haystay dilkii AUN Dr Axmed Xaaji Cabdirixmaan oo 5.12.2011 lagu toogtay magaaladda Boosaaso.
Guud ahaan 13-dhalinyaro ayaa siyaabo kala duwan dil loogu kala xukumay Maxkamadaha Ciidamada Qalabka sida iyo tan darajada kowaad ee Puntland,waxaana lagu soo eedeeyey in ay fuliyeen dilal khaarijis ah kuwaas oo loo geystay Culima’udiinka,Garsoorka,Maxkamadaha,Baa rlamaanka,Saraakiisha,Nabadoonada iyo Waxgaradka reer Puntland.
Guddoomiyaha Maxkamada Darajada Kowaad ee Ciidamada gobolada Bari iyo Sanaag Cabdifitaax Xaaji Aadan oo Raxanreeb Online ay wax ka weydiisay dilka toogasho ee lagu fuliyey 13-dhalinyarada ayaa sheegay in Saaka Saddex Saaca oo Subaxnimo si toos ah loo fuliyey dilka toogasho,wuxuuna intaas ku daray in dhalinyaradu ahaayeen kuwa Maxkamadaha Ciidanka iyo Darajada 1-aad u Xukumeen.
…”"” Maanta oo Taariikhdu ahayd 30.4.2013,Saddex saac oo Subaxnimo ayaa waxaa dil lagu fuliyey Xukumanayaal ka kooban 13-qof oo mid haween tahay,kuwaas oo Maxkamadaha darajada 1-aad ee racfaanka iyo Maxkamada sare Dawladda Puntland ka dib markii ay dilal u geysteen Culima’udiinka,Garsoorka,Maxkamadaha,Baa rlamaanka,Saraakiisha,Nabadoonada iyo Waxgaradka reer Puntland ….”"ayuu yiri.
Dhanka kale,waxaa jira askari ka tirsanaa Ciidamada dilka fulineysay oo goonta ku dhintay ka dib markii sida la sheegay ay haleeshay rasaas kamid ahayd kuwii lagu ridaayey 13-dhalinyarada ahaa,waxaana durbadiiba uu u dhintay rasaastii ku dhacday.
Si kastaba waa markii ugu horeysay oo Puntland xukun dil ah ku fuliso dhalinyarado la sheegay iney Al-Shabaab ka tirsanaayeen,waxaana Xabsiyada Puntland ka buuxa dhalinyaro badan kuwaas oo badankood lagu xukumay dil.
_______________________
RBC Radio
Use Facebook to Comment on this Post
