Muqdisho(RBC Radio) Shir ballaaran oo looga hadlayo Xuquuda aadanaha dalka Soomaaliya ayaa xiligan ka soconaya Hoteelka City Palace ee magaalada Muqdisho kulanka ayaa waxaa soo qaban qaabiyey gudiga xuquuqul Iinsaanka baarlamaanka federaalka waxaana ka qayb galaya masuuliyiin ka socda,Booliska Soomaaliyeed,Garsoorka dalka,Saxaafada,ururada haweenka iyo marti sharaf kale.
Shirka oo halku dhig looga dhigay La-tashiga dadweynaha ayaa waxaa xariga ka jaray gudoomiye ku xigeenka koowaad ee baarlamaanka federaalka Soomaaliya Jaylaani Nuur Iikar,Khadiijo Maxamed Diiriye oo ah gudoomiyaha gudiga Xuquuqda aadanaha baarlamaanka Soomaaliya ayaa sheegtay in kulanku uu yahay mid lagula tashanayo qaybaha kala duwan ee bulshada.
Khadiijo Maxamed Diiriye oo hadalkeeda sii wadata ayaa intaa ku dartay iney uga gol leeyihiin shirkan sidii ay bulshada Soomaaliyeed uga wada arinsan lahaayeen xoojinta xuquuqda aadanaha dalka isla markaane la iskula meel dhigi lahaa sidii loo dhowri lahaa xuquuqda Iinsaanka dalka Soomaaliya.
Kulanka oo wali socda ayaa waxaa ay sheegayaan wararka aan ka heleyno in daqiiqadaha soo socda ergada ka qaybgalaya kulanka loo kala saari doono gudiyo dhowr ah oo ka doodi doona ajandayaasha uu shirku ku saabsan yahay si ay go’aano iyo talooyin uga soo saaraan.
Shirka ayaa marka uu soo gabagaboobo waxaa lagu wadaa in laga soo saaro war murtiyeed ku aaddan qodobadii kasoo baxay shirka la tashida dadweynaha ee arimaha xuquuqul aadanaha dalka Soomaaliya.
RBC Radio
Xafiiska Wararka Muqdisho
Use Facebook to Comment on this Post
