Muqdisho(RBC Radio) Madaxweynaha Jamhuuriyada Soomaaliya ayaa wada hadal xafiiskiisa kula yeeshay wafti ka socda dowlada Ingiriiska oo soo gaaray magaalada Muqdisho ee xarunta Soomaaliya waftiga Ingiriiska ee kulanka la qaatay madaxweyne Xasan Sh. ayaa waxaa hogaaminayey la taliyaha dhanka amaanka ee R/wasaaraha Ingiriiska Oliver Robbing Son waxaana safarkiisa ku wehliyey xubno ay kamid yihiin Safiiraka dowlada Ingiriiska u fadhiya dalka Soomaaliya.
Kulanka oo saacado badan qaatay ayaa markii uu soo gabagaboobay waxaa saxaafada uga warbxiyey waxyaabihii looga wada hadlay la taliyaha dhanka Amaanka R/wasaare David Cameron-ka dalka Ingiriiska Oliver Robbing Son.
Oliver Robbing son ayaa sheegay iney madaxweynaha Soomaaliya ay ka wada arinsadeen qabsoomida shir weynaha lagu qaban doono magaalada London ee ay garwadeenka ka tahay dowlada Ingiriiska ee 7-da bisha May ee soo socota ka furmaya magaalada London ee caasimada wadanka Uk.
Oliver ayaa intaa ku daray iney madaxweyne Xasan Sh isla soo qaadeen dardargalinta hawlaha shirka London, dhanka kale waxaa warbaahinta la hadlay C/raxmaan Sheekh Ciise oo ah la taliyaha madaxweynaha Soomaaliya ee dhanka amniga ayaa isne sheegay in diyaar garowga shirak London uu marayo meel wanaagsan.
Bisha foodda inagu soo haysa ee May ayaa waxaa lagu wadaa in magaalada London ka furmo shirweyne ay si wada jir ah u shir gudoomin doonaan madaxweynaha Jamhuuriyada Soomaaliya Xasan Sheekh Max’uud iyo Raysal wasaaraha dalka Ingiriiska David Cameron shirkaas oo Soomaaliya loogu raadinayo taageerada beesha caalamka.
RBC Radio
Xafiiska Wararka Muqdisho
Use Facebook to Comment on this Post
