Hargesya (RBC)- Maxkmada racfaanka ayaa maanta markii ugu horaysay bilawday dhagaysiga dacwada koox dhawaan ciidanka uu iska hor imaad ku dhex maray xaafada New Hargeysa caasimadda Soomaali land.
Ka hor intii aan la bilaabin dhagaysiga dacwada maxaabiistan waxaa guud ahaan la xidhay wadooyinka soo gala saldhiga dhexe ee magaalada Hargeysa iyo jidadka ka baxa maxkmadaha gobolka.
Ciidaanka booliska ayaa isku xeeray hareeraha wadooyinka hor mar saldhiga iyo maxkmada, waxaana aakhiirkii lagu guulaystay in si nabad galyo ah loo geeyo maxaabiista maxkmada racfaanka.
Dhagaysiga dacwadan oo ahayd mid xaasaasiya ayaan haba yaraatee aan loo golayn saxaafada, waxaana laysku xidhay albaabada.
Wax go’aan ah kumay guulaysan garyaqaanadii dacwadaas gacanta ku hayey, waxaana dib loogu riixay horaanta bisha afraad ee fooda inagu soo haysa.
Dhagaysiga dacwadan ayaa ah mid uu muran xoogani ka taagan yahay, waxaana falkaas dhex maray ciidanka iyo kooxda hubaysan ku geeriyooday 7 ruux, halka saddex ka midi ah ahaayeen askar.
Si kastaba ha haatee dadweynaha ku dhaqan caasimada Somaliland ayaa dareeno kala duwan ka bixiyey xukunka hore loogu riday maxaabiista, kaas oo isugu jiray dil iyo xabsi daa’in.
Raxanreeb-Hargeysa
Use Facebook to Comment on this Post
